今日係媽媽節，但我哋屋企冇慶祝，因為爸爸仲病緊！但媽媽節對我同低能仔有另一個意義，就係三年前�H媽媽節，我哋交換咗電話開始 whatsapp ，不過我諗佢應該唔記得喇！
今朝醒咗之後，就即刻整嘢出去同爸爸睇中醫，可惜個中醫放大假，結果就睇唔到，不過今日佢好似好番啲，冇咳得咁勁喇∼但可能啲藥勁得滯，佢食完啲藥瞓覺，就勁出汗仲要件衫濕到擰得出水，我諗佢一定好辛苦，而我見到佢咁就好心痛！
搞掂晒所有嘢就即刻返去，因為尋晚有人張電腦凳爛咗搞到跌親，我唔想佢繼續坐嗰張爛凳做功課，加上我知佢呢幾日都冇時間買，所以我就落海怡揾，點知係冇架！最後要即刻落香港仔買。。。原來啲電腦凳係要自己裝，我搬到返佢屋企已經好攰，嗰一刻有啲想放棄等佢返嚟整，雖然對佢係淡咗，但我依然都想佢好∼所以最後都堅持自己砌好晒。。。不過真係好有滿足感，但個人散晒喇！
搞掂完張凳就輪到執屋。。。今日執到有啲憫，因為有人周圍都係嘢，我要執多好多嘢先抹到啲塵囉！加上我太耐冇幫佢執過屋，所以都多嘢要抹同洗∼幸好所有嘢都整好晒，陣係留番個抽氣扇同大門俾佢抹啫！
今晚我依然有煮飯，但煮得好簡單。。。洋葱豬扒同白汁焗雜菜！啲人收工就返咗嚟，兼且買咗好多嘢俾我食∼今晚個傻佬見到我隻手又有嘢插住，連飯都唔食住，好細心咁幫我整，望住眼前�H佢，我覺得有一陣温暖，多謝你呀！
有人聽晚約咗人交收，但知我放假想改星期二，以前我諗我會唔開心，但今晚我冇咗感覺，仲幫佢覆嗰個人話聽晚可以∼低能仔，其實今晚我特登咁快走架∼但唔知點解會咁。。。係因為我仲好驚嗎？
分類: 我們的生活點滴 |
