一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34304

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 31

累積人氣： 34304

2016 年 5 月 24 日星期二


	甜蜜之旅♡Osaka day 5

最後一晚響日本，聽日就要返香港喇！好想呢個假期繼續落去，或者應該話好想可以同低能仔一直生活落去！同居生活呢幾日，係我最幸福，但亦有唔開心嘅時候～

今朝我依舊自己起身先，搞掂埋自己啲嘢，收埋晒同摺好啲衫先叫醒佢，不過個傻佬又係唔願起身，走過嚟攬住我瞓響我隻腳繼續瞓，佢呢個樣真係睇極都唔厭！

今日我哋響梅田食 lunch先，我哋去咗一間 cafe 食咗個好好味嘅意粉“三文魚子海膽意粉”……好味程度係我成碟食晒呀！食完嘢我哋就向京都出發～京都 we're coming ！！

由大阪駅去京都嘅時間唔係好耐，只係需要35-44分鐘。。。京都真係好靚～我哋去咗清水寺，不過要行好多路！但我都要堅持上去，因為嗰到求姻緣會好靈驗，我好想我同低能仔嘅感情可以一生一世，所以無論如何我都要去嗰到～去到清水寺我除咗買咗幾個平安符之外，我仲買咗個許願嘅木牌仔，雖然唔知寫晒啲願望上去係咪會實現，但我都好想試吓！不過寫完之後，我哋跟住就好唔開心。。。我之後就再冇講過嘢～

去完清水寺，我哋就響京都付近行，終於都有啲嘢啱佢行，我一直都好想陪佢行啲佢鍾意嘅嘢。。。夜晚就食 shabu shabu！因為同嗰到啲人溝通出現問題，本來低能仔叫可樂俾我，但最後變咗 long island ，好耐都冇飲過喇～真係有啲頂唔順，今次冇想除鞋，但就攬住佢喊咗出嚟。。。其實我係好唔開心，覺得自己好似已經唔能夠再令佢開心同 care 喇～去完京都就返番大阪駅，我哋兩個買完手信，就返去 pack 行李。。。最後聽日希望可以開開心心咁過埋去！

分類: 我們的三週年甜蜜之旅...

[ 訪客留言(0) ] [ 編輯日誌 ]

2016 年 5 月 23 日星期一


	甜蜜之旅♡Osaka day 4

甜蜜之旅♡Osaka day 4

今日已經第四日，星期三就要走喇！我開始好唔捨得，唔捨得之後唔可以日對夜對，唔捨得冇人攬住瞓，更唔捨得冇人唔俾被我冚！

因為有人今朝先瞓，所以我依然由佢瞓多陣，然後我就搞掂埋自己嘢，收埋啲衫先叫醒佢！今日我哋首先去大阪城，一直以為啲人會鍾意嗰到，等佢可以影多啲相，原來唔係架。。。今日勁熱～我哋兩個熱到都冇乜反應，最後好快就走！但可以去神社抽支愛情簽，仲要係大吉我好開心，我希望同佢嘅感情一樣都係繼續大吉！！臨走前竟然俾我哋遇到一隻我之前好想見嘅貓頭鷹bb，仲要係日本人當寵物，而唔係烏卒卒嗰啲，好開心呀！我仲同隻貓頭鷹bb影咗張相添呀！

去完大阪城就去天王寺，有人已經黑面。。。其實同佢一齊生活係冇乜問題，只係佢有時會突然黑面，而且有乜不滿又唔會出聲，咁樣我真係有好大壓力～響天王寺間 Loft 真係好，每一層都有凳響到，咁我就可以自己行，而佢又可以抖吓，日本人真係好細心！

今日終於都俾我哋揾到低能仔仔喇！我同bb一人買咗一隻俾對方，佢要隻大而我就要隻細，咁樣先似一對架嘛。。。有人仲帶我揾到伊滕久佑衛門添～唔使專登去宇治都可以買到！夜晚啲人捱住攰都同我行去新世界，雖然旅遊書只供參考，圖片與事實不付！但都算ok靚嘅～兼且食咗一餐唔算太好味嘅晚餐。。。食完嘢我哋就返咗去喇！

返到去執定行李，洗埋衫後，有人陪我傾咗一陣計。。。呢啲時候係我最 sweet 嘅時候，其實每日咁樣傾十幾分鐘，我都已經好滿足喇！

京都。。。我到底聽日嚟唔嚟揾你好呢？你我相隔多麼遠～

分類: 我們的三週年甜蜜之旅...

[ 訪客留言(0) ] [ 編輯日誌 ]

2016 年 5 月 22 日星期日


	甜蜜之旅♡Osaka day 3

已經嚟到第三日喇！今朝有人好準時就起身，真係乖～不過夜晚依然都係唔俾被我冚囉！

今日我哋首先去咗黑門市場，好開心呀！食咗好多嘢。。。有我最愛嘅壽司、小丸子，仲有我好想同佢試嘅和牛。。。我哋影咗好多相，行咗好多地方～最開心係我身邊有佢！去完黑門市場，我哋返去擺返啲嘢就再去梅田，雖然尋晚都有嚟過，但就有好多嘢都未行！今晚終於都可以行咗想行嘅地方，買到好多想買嘅嘢。。。

去完梅田都已經十點，有個傻人陪我去埋心齋橋，嚟到呢到我哋兩個都傻咗，我哋走咗去夾公仔。。。有人夾大 bello 比我嘅時候，佢話如果真係夾到，我就要一世都跟住佢、嫁比佢！望住嗰隻嘢真係好難夾，但個傻佬真係好堅持，最終真係比佢夾到。。。我開心到即時攬住佢，唔係因為隻公仔，而係佢話夾到就要我嫁比佢一世呢句說話！低能仔，我愛你呀！！

玩完我哋就去宵夜“四天王拉麵”，今次嚟旅行，我哋總算每餐都試到唔同嘅嘢～希望嚟緊嗰幾日都可以試其他嘢啦！今晚我哋仲去埋“激安殿堂”到睇嘢～行到成點先返去，我諗你一定好攰，希望休足睡眠會令你舒服啲啦！

分類: 我們的三週年甜蜜之旅...

[ 訪客留言(0) ] [ 編輯日誌 ]

2016 年 5 月 21 日星期六


	甜蜜之旅♡Osaka day 2

眨吓眼就嚟到第二日喇！尋晚好慘。。。瞓得一啲都唔好，因為有人又唔俾被我冚，搞到我凍醒咗，一拎番張被轉個頭又係咁-_-"加上有人又唔記得熄咗尋日嘅鬧鐘，結果今朝係咁響～

我哋較咗今朝十點起身，我起身整埋啲嘢，化好妝先叫醒佢，但啲人唔願起身，最後十二點先醒！今日我哋去咗心齋橋附近行，幸好我同佢都買到衫同鞋。。。不過嗰到太多人，佢唔係好鍾意，最終好快咁走咗，返番 apartment 放番啲嘢！夜晚我哋去咗梅田，但由於時間唔夠，我決定陣係睇佢嘅嘢。。。其實我都已經好開心！因為我唔想每次都只係佢陪我行，而佢就乜都唔啱睇。。。

今日買咗好多嘢，最開心係買到我最愛嘅抹茶布甸，而且佢亦好守諾言，隻豬嘅手信係由我揀！我都係叫佢買嗰個布甸俾佢，我係真心揀俾佢，而唔係求其指佢買一樣架！其實自從佢 follow 咗我 instagram之後，我對呢個女仔已經冇乜嘢，兼且少咗啲反感。。。只係依然唔想佢揾得低能仔咁密！

今晚返到 apartment 有人好唔舒服，又頭痛又嘔。。。而我又不停咳！唔知佢係咪冷親～低能仔，你唔舒服我已經好心痛，你又唔肯食藥，我真係好擔心你架！你有事咁我點呀？？

分類: 我們的三週年甜蜜之旅...

[ 訪客留言(0) ] [ 編輯日誌 ]

2016 年 5 月 20 日星期五


	我們的三週年甜蜜之旅♡Osaka day 1

終於都嚟到三週年喇！今年我哋依然選擇唔響香港過，我哋去咗一個好想好想去嘅地方～大阪！第三次一齊去旅行，我諗我哋都已經習慣晒大家嘅生活習慣！所以今次我哋選擇唔住酒店，改住 Apartment ……希望有一個屬於自己家嘅感覺！

今朝一早起身出發去機場，直到嚟到大阪都好似發緊夢咁！兩個唔識路又唔識日文嘅我哋，好似發現咗新大陸咁。。。超興奮呀！響機場食咗一餐好好味嘅午餐，就揾路去rinku premium outlet 喇！雖然乜都冇買，但呢到真係好靚，有人影相影到傻，我最鍾意見到佢影相嗰個樣！

好唔容易先揾到 JR 返難波，亦好唔容易先揾到住嘅地方！返到 apartment 我真係覺得好似我嘅家，我唔使將來間屋好大，好似呢到咁我都已經開心到傻！擺好晒啲行李，我哋就落咗去揾嘢食，有人帶我去食咗一餐好好味嘅燒肉放題！原來一餐好好味嘅晚餐，再加一個好鍾意嘅人，整餐晚餐都會變得好幸福。。。我嘅520真係好幸福！

食完嘢我哋響四圍行吓，跟住就返去喇！因為食完燒肉成身都有陣味，我就返嚟開機洗衫，其實個傻佬都攰，我諗住自己等機衫由佢瞓先，但估唔到佢同我一齊整。。。好有家嘅感覺！

期待聽日嘅行程！

低能仔，三週年快樂！

分類: 我們的三週年甜蜜之旅...

[ 訪客留言(0) ] [ 編輯日誌 ]

« | 176 | 177 | 178 | 179 | 180 | 181 | 182 | 183 | 184 | 185 | ... | 384 | »