jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34533 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 20
累積人氣： 34533
RSS Feed
2016 年 7 月 13 日  星期三   晴天
好很攰
尋晚飲咗啲中藥，終於都好番啲，可以一覺瞓到天光喇∼不過依然仲有燒，兼且仲係好攰！

今朝我好乖咁食粥，但只係食咗小小已經食唔落，可能食得西藥太多，個胃始終唔係好舒服，而下晝家姐買咗碗米線同我 share ，我都只係食得兩啖咋。。。完全冇胃口！兼且飲完啲中藥後，今日成日都係咁屙。。。我諗超過十次！屙到個人冇乜力，仲要成日麻煩家姐上嚟頂我去洗手間！

好唔容易先捱到收工，今晚冇人接放工，但就變咗我返去接啲人收工！因為啲人要教班。。。。返到去我嗱嗱臨買定濕紙巾俾啲人，然後就坐定定等佢收工！有人今晚帶我食 kfc ，我食咗一個我最愛�H薯蓉就冇晒胃口。。。之後個傻佬就帶我去百佳，我又嗲佢買生菓，最後當然冇得買，因為我未食得，佢見我咁慘，就買咗盒餅俾我，傻佬，多謝你呀！

今晚食完嘢就各自返屋企，其實佢有叫我上佢到，不過我真係太攰，所以。。。。唔緊要啦！反正我哋聽日都一齊放假，嘻嘻∼咁就可以見多啲喇！ 


分類: 我們的生活點滴
 [ 訪客留言(0) ] [ 編輯日誌 ]

2016 年 7 月 12 日  星期二   晴天
又一晚
尋晚又係瞓唔到。。。零晨時分又係坐咗響到∼又燒又痛，好辛苦！最後都係請多一日假！今日響屋企都係瞓咗成日，而啲人都係放假，不過佢就要陪奶媽食嘢，下晝四點先接我去睇醫生。。。

今日我哋去咗灣仔睇中醫，醫生話我病得好嚴重，有好多嘢都要戒口，仲要三日後返去覆診∼其實只要可以好番，戒口又有乜所謂？有個傻佬今日話資助我三百蚊睇醫生，見到佢拎錢俾我嗰一刻，我覺得好冧。。。我梗係冇要到佢啲錢，我陣係同佢玩咗一陣，哈哈。。。

有人今日對我真係好好，行到邊拖到邊，就算佢趕時間過銅鑼灣交收，都依然拖埋我去∼行 sogo �H時候，佢知我鍾意食生菓，但又只可以食蘋果，就算幾貴都好，佢都話買俾我。。。我又邊捨得要佢買，我有佢已經好滿足！

今晚我哋好快就返去，我叫佢自己返去，我好想癡住佢。。。但我諗早啲俾佢返去上網，對我哋大家應該會係好事，甚至可能會令佢早啲上完早啲瞓，到咗依家我做�H依然係為咗你！



 


分類: 我們的生活點滴
 [ 訪客留言(0) ] [ 編輯日誌 ]

2016 年 7 月 11 日  星期一   晴天
瞓吓燒吓
尋晚又係瞓吓燒吓。。。個人瞓得勁差∼最終要響廳坐住瞓，先勉強恰到一陣！直到8點幾家姐打電話比我，叫我請一日假。。。今日成日都響屋企休息，連早餐都唔想落去食，只係食咗藥再瞓過！

有人今日放假，但十一點就去教人影相，之後又要交收同揾佢二奶，搞到成七點先返嚟同我去診所！搞掂晒啲嘢，有人帶我去食車仔麵，好好味呀！其實我耳仔同喉嚨都好痛，我只係勉強咁撐落去。。。我唔想佢擔心我，所以我不停笑∼不過有佢響我隔離陪住我，我都已經好開心！ 


分類: 我們的生活點滴
 [ 訪客留言(0) ] [ 編輯日誌 ]

2016 年 7 月 10 日  星期日   晴天
好想喊
尋晚半夜開始又發高燒，今朝辛苦到又好早醒咗，結果同爸爸飲完茶，就去咗睇醫生。。。

等緊睇醫生時，已經覺得周身都好痛，兼且所有關節都好痛！探熱燒到102度∼好想喊。。。其實我都唔想病，我都好想健健康康，但奈何>.<

醫生話我扁桃線發炎，而且好高燒，除咗食藥之外，仲要打抗生素落血管到，醫生希望可以快啲好！聽完醫生咁講，我好順灘咁應承咗，但一見到支針我開始後悔，因為嗰支針好粗，我冇試過俾咁大支針吉落嚟，好痛呀！我以後都唔要打呢啲針∼

睇完醫生返咗屋企開始長眠，一路瞓到夜晚都唔願離開張床，因為個身真係好痛！結果我連 bb 都唔見，叫佢收工就返屋企……不過啲人都好好，返到屋企陪我傾咗半個鐘電話，但其實我好想見你！





 


分類: 我們的生活點滴
 [ 訪客留言(0) ] [ 編輯日誌 ]

2016 年 7 月 9 日  星期六   晴天
橫風橫雨
今日返寫字樓。。。一早7點幾就要起身∼我見個肚冇咁痛就唔請假！今日響公司都好忙，冇乜時間停低，個人好攰好攰！而啲人今日要返工，返佢最愛�H銅鑼灣，佢今日冇乜點揾我，我有啲驚又變番好似之前咁。

收工之後，我約咗 win win 佢哋韓燒！不過我個肚仲有啲痛食得好少嘢。。。我�H bb 今晚收8點，我好想等佢，所以我就自己走先，返番銅鑼灣接埋佢！

我到咗之後，仲未見到啲人，原來啲人去咗買嘢，佢問我係咪只要有花，就會帶番隻戒指？起初我以為佢收埋咗扎花，點知原來係台灣嗰隻花花邦尼�H爆穀。。。咁取巧我當然唔彩佢啦！

今晚我哋食完飯就行咗陣返去，但臨落車時突然又大風又大雨，最後搭到總站先落車，響海怡避咗一陣雨，襯細雨啲時，啲人除咗自己件外套遮我返去，咁又真係幾浪漫�H！不過去到佢樓下時，佢跌咗件外套落地，我仲要唔知咁踩多一腳。。。其實我嗰一刻好驚佢會鬧我，又或者黑我面架！




 


分類: 我們的生活點滴
 [ 訪客留言(0) ] [ 編輯日誌 ]


« | 166 | 167 | 168 | 169 | 170 | 171 | 172 | 173 | 174 | 175 | ... | 384 | »