一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34226

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 19

累積人氣： 34226

2016 年 11 月 15 日星期二


	奇蹟

今日係好難捱嘅一日，因為要照磁力共振。。。我嘅心情好複習，好似玩過山車咁～原來等待真係好辛苦，辛苦到我乜嘢電話都唔想聽，乜嘢 whatsapp 都唔想覆，甚至連嘢都唔願食，陣係想有個響我身邊 support 我！

好唔容易終於都等到報告，一聽到只係神經線發炎已經好開心，雖然嗰種痛未必有人明白，但起碼只要我乖乖地食藥同覆疹，都會斷尾嘅一日！不過開心嘅事原來唔止一件，響我身體裡面嗰兩個瘤，唔知點解會突然消失咗～連醫生都解釋唔到！爸爸佢哋知道咗，就叫我唔好諗咁多，既然消失咗就由佢消失！呢一刻我開心到喊咗出嚟，好想低能仔響到分享呢個喜悅！

今晚啲人成8點返咗嚟，佢帶咗我去海怡，不過我打咗針，食咗藥個人好吽～加上我見佢 send 咗佢同佢離晒地女神張相俾嗰隻豬時，唔知點解我唔止呷醋，仲有啲嬲佢～其實我唔鍾意我男朋友嘅相要send俾第二個女仔，因為個男朋友只係屬於我一個！

食完嘢行咗一陣，我哋就返去喇！由於今日心情興奮，雖然食咗藥同打完針暈暈哋，但我都好想整嘢食慶祝一吓。。。深夜食堂之“合桃杏仁布朗尼”！整完我已經好想俾低能仔睇，有人仲好好咁夜都俾我過佢到，個傻佬仲食晒我整俾佢嘅布朗尼～低能仔，我希望留得住你個人，亦留得住你個胃！一生一世都為你煮嘢食。。。

分類: 我們的生活點滴

[ 訪客留言(0) ] [ 編輯日誌 ]

2016 年 11 月 14 日星期一


	苦心

尋晚又不知不覺瞓咗。。。今朝起身依然好攰～啲放鬆神經藥真係好勁，我攰到響車不停咁瞓！

今日我冇食藥，特登留番最後一次今晚先食！但依然成個人呆呆滯滯咁，兼且啲神經又痛番。。。加上又好忙，未收工已經攰上加攰！

今晚有人嚟接我收工，因為聽日要照磁力共振，我一直都好驚～但為咗唔令佢擔心，我扮到冇事，仲話要食餐好！直到佢同我講，佢聽日要去交收，嗰一刻我好失望架～不過我都好落力咁扮冇嘢！

食完嘢我哋去咗一田，其實我一心唔係揾朱古力奶，而係買柔順劑俾佢，我唔想我有咩事嘅時候，我照顧唔到佢，我好驚到時我連小小嘢都幫唔到佢做！好想佢明白我苦心～

分類: 我們的生活點滴

[ 訪客留言(0) ] [ 編輯日誌 ]

2016 年 11 月 13 日星期日


	♡Happy Birthday to Daddy ♡

尋晚一路打 blog 一路中眼瞓，結果打完 blog 我就頂唔順瞓著咗～今朝起身同爸爸飲茶有啲頂唔順，好唔想起身！

個傻佬今日要返工，仲要收成9點。。。而我梗係做番一個小女人應該做嘅嘢，買定餸今晚煮飯俾佢！因為今日係爸爸生日，我決定燜爸爸最愛嘅咖喱牛腩，不過低能仔唔食牛腩，我呢個咁細心嘅老婆，梗係買定雞扒呢落去一齊燜，我仲加咗個傻佬同我最愛嘅魚蛋同牛丸（咖喱魚蛋係我哋嘅回憶之一，因為佢每次氹我食藥同氹我開心，佢都會買咖喱魚蛋俾我！）

當我問佢今晚我煮咖喱，佢想食飯🍚🍜時？佢錄音話我知佢想食🍜，唔知點解我覺得嗰把聲好温柔，我真係無限 loop ～因為呢把聲嘅語氣我冇聽過，又温柔又嗲。。。好鍾意！

返到屋企搞掂晒啲嘢之後，我就食藥返咗上床！但我唔小心扯到隻手，結果扯到啲神經又痛得好緊要，咁啱呢個時候啲人打電話俾我，佢知我痛到咁，佢即刻要我食藥同瞓覺，好 man 呀佢！

今晚佢收工就返咗嚟，我服侍完佢食飯之後，啲人又好好咁陪住我，基本上我想點佢都就我～低能仔，其實我好驚星期二磁力共振，你記得早啲返嚟睇我呀！

分類: 我們的生活點滴

[ 訪客留言(0) ] [ 編輯日誌 ]

2016 年 11 月 12 日星期六


	脆弱

尋晚食咗啲新嘅藥之後，終於可以一覺瞓到天光喇！今日仲要精神番啲～原來除咗病想嗲低能仔外，精神啲亦好想痴住佢、攬實佢！

今朝銅鑼灣發生咗單交通意外，我睇完條片之後，有一種好特別嘅感覺！呢單交通意外發生嘅時間，就係低能仔差唔多返工嘅時間，亦係佢行返工嗰條路！我好擔心佢有事，幸好佢搭遲咗一班車。。。

睇完段片之後，我真係覺得人嘅生命好脆弱，下一分鐘發生啲咩事都冇人估到，我慶幸佢搭遲咗一班車，我慶幸佢平安無事，我更慶幸我遇到佢，佢響我生命中出現，亦變成我最重要嘅人～我終於知道原來假如佢出咗事，我係會無能力企番起身，我真係會唔知點。。。因為我愛佢已經愛到佢比我自己更重要，我知道假如我失去佢，我根本冇辦法再生存落去～

今晚收工就落咗銅鑼灣同爸爸食生日飯，我哋去咗滿屋食放題，原本個傻佬收工後諗住等埋我食完飯，然後接我一齊返屋企，不過我唔捨得佢攰，叫佢返屋企等我，其實我好想佢上嚟一齊食架！但啲人又唔肯。。。

食完嘢返到去，我買定嘢飲同紙巾俾啲人，點知啲人偷偷哋買咗～今次佢冇叫我拎番走，相反仲話有人買嘅嘢會好用啲，然後仲突然攬實我，叫咗我一聲老婆添😍今晚雖然唔係見咗好耐，但佢就攬足我咁耐，我覺得好實在呀！

低能仔，你知嘛。。。呢兩日你每逢響fb睇到啲特別嘅嘢而 tag 我，我覺得好開心，因為你終於唔係只係掛住二手嘢，而係個心有我嘅存在，多謝你！

分類: 我們的生活點滴

[ 訪客留言(0) ] [ 編輯日誌 ]

2016 年 11 月 11 日星期五


	離地女神吖喇。。。。

今日起身嘅時候，神經線其實已經冇咁痛，終於都可以舒舒服服咁食個早餐～因為每次好痛嘅時候，食嘢都會好辛苦～

今日公司冇乜嘢做，好得閒咁吹水～不過當阿容按我神經線痛嗰個位，又即刻痛番兼流眼淚，但我已經冇晒藥，結果收工又要去睇多次醫生！

睇完醫生我就去揾低能仔，有人知我要照磁力共震之後，佢話佢會對我好啲～兼且 sponsor 我添。。。佢今晚真係對我唔同咗，陪我食咗好多嘢、同我傾咗好耐計、玩電話嘅時候，又攬得我好實！最開心係個傻佬話就算我有事佢都唔會掉低我。。。

有人今日返工好爽，因為比佢見到佢個靚到離晒地嘅女神，仲要同佢一齊影相，兼且放埋上網👿（又唔見佢會主動放我哋啲相上網喎😒）其實我係有小小呷醋，因為我都想我係佢女神架嘛。。。我都想佢會因為同我一齊影嘅一張相，會開心到放上網架嘛！

分類: 我們的生活點滴

[ 訪客留言(0) ] [ 編輯日誌 ]

« | 141 | 142 | 143 | 144 | 145 | 146 | 147 | 148 | 149 | 150 | ... | 384 | »