一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34472

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 43

累積人氣： 34472

2017 年 2 月 9 日星期四


	Exam

今日係最後一日上堂，仲要考試。。。尋晚温咗成晚，其實都温到熟咗，今朝只係翻睇過一次就考試～

今日都算一切順利，而得出嚟嘅成績，亦唔係我預計之內，呢樣係我最 surprise 嘅嘢！或者因為我一直都覺得好大壓力，好驚自己唔得，甚至亦打定輸數考唔到，所以今日幾個 Miss 同我所講嘅嘢，聽完之後，我真係好愕然～

低能仔，多謝你今晚特登出嚟接我放學，仲要話帶我去食大餐～其實今次考得咁好，完全因為你！你同我講只要盡咗力，有付出過，就算真係考唔到都仲有你、仲有另一條路行！今日我考試嘅時候，我不停諗住你，諗住同你嘅將來。。。我想同你行落去就要盡全力去做，因為你，我先做得到～

我同低能仔嘅將來，終於行前咗一小步喇！

分類: 我們的生活點滴

[ 訪客留言(0) ] [ 編輯日誌 ]

2017 年 2 月 8 日星期三


	第二日

今日係第二日返學，個人好攰。。。因為尋晚一來個腦不停重覆返學嘅嘢，二來媽咪搞到成家根本冇得瞓，所以個人勁攰～

今日返學都算順利，學嘅嘢都有興趣，今日學嘅係按摩，仲要係手同眼嘅按摩，因為低能仔成日呢兩 part 都好攰要我按摩，但我成日都怕整痛佢，搞到我唔係好夠膽幫佢整🙄所以今日我特別專心去學，咁樣將來都可以幫佢按摩啦！

放學之後，我嗱嗱臨執番好自己啲眼耳口鼻，就去等啲人收工！有人今晚一見到我就攬實我。。。有佢攬住種感覺實在好多！今晚我哋食完嘢就去食雪糕，其實啲人唔俾我食架！因為我又咳同喉嚨痛，但我又扭計要食，結果啲人就話俾一啖我食，仲話俾我食小小個筒，不過我冇食到個筒，走去食咗啲雪糕，嘻嘻。。。其實有時咁扭吓計，詐吓嬌咁，都好開心架！食完雪糕，啲人要我一定要飲感冒茶，之後就帶我搭車返屋企，啲人要我乖乖哋返去温書，應付聽日考試！

有人今晚不停重覆一句說話，佢叫我聽日只要盡咗力就得，唔好俾咁大壓力自己，就算唔得都唔緊要，因為食粥食飯都係靠佢！低能仔，我知你唔想俾壓力我，多謝你呀！😘😘😘

分類: 我們的生活點滴

[ 訪客留言(0) ] [ 編輯日誌 ]

2017 年 2 月 7 日星期二


	第一日

今日係第一日返學，其實都好緊張架！因為個個都要我一定要考到，不其然個人會更緊張，好驚會令身邊嘅人失望～

今日上堂都算順利，學嘅嘢都算👌。。。只係要習慣手勢同次序真係需要時間適應！最唔習慣係要連我同低能仔嘅介指同頸鍊唔帶得，我好習慣同唔捨得～

下晝食飯嘅時候，有個傻人嚟咗接我食飯！我即刻嗲啲人。。。食完飯買完嘢，有人以為因為我撞到隻手而喊咗出嚟，其實唔係咁架！係因為我將所有壓力全部放晒響心，好驚考唔到，令到低能仔佢哋失望，兼且我真係好想同佢有將來，我就算對呢科冇乜興趣都好，我都一定要考到！個傻佬當然唔知啦。。。只係不停咁氹我！

放學之後，啲人已經企咗響樓下等我～我開心到傻。。。有人今晚帶我去睇佢想睇嘅嘢，仲帶我去旺中食餐勁😋我終於試到陳柏宇個包喇！仲有泡芙同貓貓包，超好味😍有你響到乜都好味啲架！低能仔，我真係好愛好愛好愛你～你可唔可以留意我嘅嘢多一啲？我鍾意你留意我。。。

分類: 我們的生活點滴

[ 訪客留言(0) ] [ 編輯日誌 ]

2017 年 2 月 6 日星期一


	年初十@開工大吉

今日開工喇！可能放得太耐假，今日有啲唔習慣。。。返到公司冇乜嘢做，好鬼悶！不過有啲人都打咗兩個電話俾我～

今日公司發生啲嘢，令我諗咗好多好多嘢！見到 Maggie 返工好似條死屍咁，真係覺得有啲心 up 。。。聽完佢講嘅嘢，其實我只係信一半，因為響我眼中嘅波屎又唔似佢所講到咁，結果佢今晚就要離開，我亦再冇揾過佢，只希望佢以後嘅路可以行得好啲，同時亦揾到份適合佢嘅工～

有人今晚俾咗個 big surprise 我，一早就嚟咗揾我，本來個傻佬話響地鐵站等我架嘛！今晚突然出現響我面前，我真係好開心～

收工後我哋去咗食 kfc ，其實見啲人傷風，我已經唔係好想佢食，但周圍都好多人，根本都冇乜地方可以食！食完嘢行咗陣就返去～我哋講起改名呢個話題，因為爸爸想揾人幫我改名，希望我可以身體好啲！而佢當然亦都希望係，同時佢話想我性格都可以變。。。

聽完佢呢句說話之後，我突然響到諗，我響佢心目中究竟係一個咩人？性格好差？有公主病？或者當你真係好在乎一個人，好想同佢行到老，你就會想知響佢心目中你其實係點～又係咪佢心目中想揾嗰個？！

分類: 我們的生活點滴

[ 訪客留言(0) ] [ 編輯日誌 ]

2017 年 2 月 5 日星期日


	最後一日

今日真係假期最後嘅一日，今朝食咗藥就繼續瞓，瞓到十二點幾先起身～爸爸就買定感冒茶同腸粉返嚟俾我食！

下晝帶咗阿豬去沖涼，之後我都係忍唔住偷食紫薯雪糕。。。不過冇啲人響身邊陪我食，好似冇咁好食咁！搞掂晒就返屋企喇。。。

今晚啲人收工就返咗嚟，我煮定飯等啲人返嚟食～好耐都冇響屋企二人世界，不過我都仲係好攰，我同啲人都冇乜點講嘢！我見佢好似好想睇二手嘢，我唯有早啲返屋企啦～

分類: 我們的生活點滴

[ 訪客留言(0) ] [ 編輯日誌 ]

« | 124 | 125 | 126 | 127 | 128 | 129 | 130 | 131 | 132 | 133 | ... | 384 | »