jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34201 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 72
累積人氣： 34201
RSS Feed
2017 年 4 月 16 日  星期日   晴天
暈
尋晚食咗另一個醫生啲藥後，不知不覺咁瞓咗∼啲藥好勁，搞到個人成日都覺得好攰同好暈。。。

今朝好早就醒咗，食完藥就再瞓多陣，跟住同爸爸去飲茶，不過出到去真係覺得好辛苦，係咁出冷汗同好暈，但我都有撐住去買餸俾啲人！

啲人今晚收工去完旺角就返嚟，我叫啲人等埋我先上去，因為我真係好暈。。。但我冇話俾佢知！我上到去到開埋飯俾佢，就冇晒力灘咗落梳化到∼啲人攰我就幫佢按摩埋就走。。。不過當我著拖鞋�H時候，我又覺得好暈，其實我想啲人陪我返屋企，但我知道佢都攰，所以我最後自己返屋企！ 


分類: 我們的生活點滴
 [ 訪客留言(0) ] [ 編輯日誌 ]

2017 年 4 月 15 日  星期六   晴天
特敏福？
今朝七點起身返工，起身�H時候已經覺得好暈，但都撐住返去！返到去越嚟越辛苦，食咗啲藥都好似冇乜用咁，結果 William 同幾個教練都叫我返去休息！

點幾返到屋企，食咗啲藥同煲咗罐罐頭湯就瞓，瞓到六點幾都仲係好辛苦，結果又睇醫生😞醫生話如果食咗啲藥再唔好，要食特敏福。。。

今晚啲人收工就返嚟睇我，帶咗我去海怡食嘢同行百佳。。。不過我除咗冇乜胃口，個人仲冇乜力！但可以見到佢我已經好開心。。。因為我真係好想嗲佢同好掛住佢！ 


分類: 我們的生活點滴
 [ 訪客留言(0) ] [ 編輯日誌 ]

2017 年 4 月 14 日  星期五   晴天
39.4度
尋晚開始個人已經冇乜胃口，半夜開始就覺得好凍，啲手指、腳指同成身關節痛得好緊要，結果成晚都冇瞓過。。。

其實我知道8點幾電話有 whatsapp ，但我辛苦到連電話冇力拎。。。醒咗先話俾啲人知我發高燒！啲人隔咗一陣就打俾我，好想嗲佢呀∼醫生幫我探熱燒到39.4度，同埋扁桃線發炎，個人完全冇力，如果啲人響我身邊就好喇！

返到屋企食完藥就不知不覺咁瞓著咗，瞓到啲人揾我，我都唔知。。。醒咗啲人都有打俾我，本來佢收工話返嚟睇我，但我真係太攰，叫咗佢自己食嘢返去！不過啲人原來去咗佢婆婆到冇同我講，可能因為我唔舒服，所以個人特別敏感。。。好驚佢又唔要我！ 


分類: 我們的生活點滴
 [ 訪客留言(0) ] [ 編輯日誌 ]

2017 年 4 月 13 日  星期四   晴天
Mini eggs
今日第一日返工，好早就起身∼但尋晚因為太緊張，所以瞓得唔好！基本上冇乜點瞓。。。可能因為未接觸過呢行，好驚好似 IM 咁，所以先瞓得差，成晚都揸實咗個拳頭瞓😭今朝醒咗就好攰好攰！

返到去除咗個經理係女人之外，基本上全部都係男人。。。幸好個個都對我好好，見我忙都會幫我手，仲同我傾計，時間都過得快啲咋！

有人都好 sweet ，驚我返工會好似之前咁唔開心，專登 whatsapp 同我講，假如遇到啲咩唔開心都要話佢知，等佢氹番我喎！睇到之後其實我好開心，因為佢未試過咁，嗰一刻我真係覺得好幸福！

收工之後，我去完旺角交收，就趕返去銅鑼灣接啲人，不過等咗好耐，我好攰，而且今晚見佢由另一邊行過嚟，唔知點解有少少擔心，擔心佢唔知係咪揾另一個😣我哋食完飯之後，啲人帶我去行街，仲買 mini eggs 俾我做復活節禮物😍我最愛就係 mini eggs 😘😘😘返到去我見佢去百佳，我又跟埋去，其實我唔係想扭你買嘢食，只係我想癡住你多一陣咋…… 


分類: 我們的生活點滴
 [ 訪客留言(0) ] [ 編輯日誌 ]

2017 年 4 月 12 日  星期三   晴天
可樂🐣翼
今日要去見工，我一早就出咗去。。。見完嗱嗱臨返去買餸，今晚煮俾啲人食！

今日有人打嚟氹我，因為我尋晚俾啲人搞到唔開心，啲人話應承以後都唔再話我、同唔再整喊我！本來話買🍦返嚟俾我食，但我要佢買糖水俾我，嘻嘻。。。係我鍾意�H綜合芋圓😍😍

今晚其實煮得好簡單，陣係整咗咖喱雞扒、可樂雞翼同焦糖雞蛋布甸俾佢，個雞翼我一直都想整，只係啲人唔鍾意食雞翼，所以我一直都冇煮，咁啱啲人搞到我唔開心，佢話我煮乜佢都食，咁我就煮雞翼啦！原來可樂雞翼真係好好味，好似瑞士雞翼咁😍爸爸佢哋全部清晒呀！而啲人都好乖咁食晒😘

今晚食完飯佢陪我玩咗一陣同睇咗陣電視我就走，聽日要返工喇。。。我開始有啲緊張，好驚會唔習慣呀！ 


分類: 我們的生活點滴
 [ 訪客留言(0) ] [ 編輯日誌 ]


« | 111 | 112 | 113 | 114 | 115 | 116 | 117 | 118 | 119 | 120 | ... | 384 | »