一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34198

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 69

累積人氣： 34198

2017 年 5 月 1 日星期一


	五一勞動節

今日啲人要返工，而我就當然要預備定晚餐俾啲人返嚟食！我瞓到兩點幾先起身去買餸，不過條頸仲有痛～

啲人原本話聽日放假陪我，但依家要返工。。。跟住又話星期三陪我，不過依家又話要温書。。。仲要話冇得我唔接受😣其實我除咗咁唔開心之外，我仲覺得最近連我都變得好緊張，我見到佢變成咁，我又乜都做唔到，想同佢睇醫生佢又唔肯😞其實我好似響佢身上已經變咗另一個唔信任嘅人！

為咗令佢覺得開心啲，我今晚好努力煮咗一餐俾佢。。。而佢就買定雪膠俾我，但其實我唔係想要呢啲～我陣係想要佢變番以前咁，兼且我好想佢陪住我，等我可以做番一個當初響佢心目中最重要、最信任嘅人！

分類: 我們的生活點滴

[ 訪客留言(0) ] [ 編輯日誌 ]

2017 年 4 月 30 日星期日


	好難。。。

今朝9點幾就俾爸爸叫醒咗，同爸爸飲完茶，就同家姐去咗濕平。。。因為之前啲人俾咗張惠康 coupon 我，我留到今日先用～我買定啲煮飯用嘅嘢返去，跟住家姐帶我去759買嘢，仲買咗好多嘢俾我食，女人買嘢嘅能力真係唔可以睇小😂不過搬返去嗰吓真係辛苦～然後買埋餸諗住返去，點知啲人又話好似冇鎖門，結果我同家姐搬晒啲嘢上去睇吓有冇鎖，最後當然係有啦😢

今晚要返阿麻到食飯，我知夜晚實唔夠時間煮，所以我5點幾嘅時候，就煮定啲餸先出去，咁夜晚就可以整番熱就得喇！

今晚啲人等埋我先返屋企，仲帶我買定汽水同薯片返屋企睇大結局，而且我同佢仲傾過尋晚嘅問題，原來我真係冇 feel錯。。。咁即係我之前覺得佢驚我摷佢個袋嘅感覺都係真！我知道因為佢嘅問題係乜，我根本唔應該唔開心，但我真係控制唔到喊咗出嚟！

原來我根本唔係佢最信任嘅人，因為連我佢根本都唔相信😞咁落去仲有乜意義呢？我想帶佢睇醫生，我真係唔想再係咁。。。我好驚再咁落去，我哋根本好難行落去，有一日佢一定會因為唔信我而選擇離開我架！

分類: 我們的生活點滴

[ 訪客留言(0) ] [ 編輯日誌 ]

2017 年 4 月 29 日星期六


	不安

今朝都係7點起身返工，返到去已經好忙。。。食咗藥個人仲係好攰同好暈！

收工之後，我就嗱嗱臨趕返去預備今晚晚餐俾啲人食，今晚我因為太攰，所以慢咗過去佢到！我服侍完佢食飯後，有人拎蛋糕出嚟氹我，兼且仲睇完電視帶我去買雪膠！

呢排佢成日都摷我個袋，我有啲覺得個心唔舒服，好似覺得佢會驚我偷佢嘢咁。。。呢種不安嘅感覺越嚟越勁，點解會咁嘅？

分類: 我們的生活點滴

[ 訪客留言(0) ] [ 編輯日誌 ]

2017 年 4 月 28 日星期五


	痛

今日又燒番。。。最近反反覆覆咁真係好辛苦，結果睇醫生發現原來頸後面嘅淋巴腫晒出嚟！

今朝爸爸突然打俾我，仲好正經咁同我講，叫我唔好做呢份！其實咁耐以嚟，爸爸都未試過會過問我返工嘅嘢。。。今次係第一次！除咗因為嗰個男同事外，原來爸爸一直都唔鍾意我收咁夜，呢樣我真係唔知～

今日啲人放假，終於都可以休息一吓！我夜晚煮完飯先過佢到，有個傻佬買咗嘢俾我食，不過我食咗藥個人好暈，所以係咁嗲人。。。啲人陪咗我一陣之後，我就走喇！我真係冇晒力，同條頸後面好痛！

分類: 我們的生活點滴

[ 訪客留言(0) ] [ 編輯日誌 ]

2017 年 4 月 27 日星期四


	好驚好驚

今日返早。。。七點又起身返工！尋晚收夜，成兩點先瞓，今朝咁早起身，個人真係覺得好攰！不過一諗起收工就見到啲人，就覺得好興奮！

今日響公司嗰個男同事問我手上帶嘅介指係咪結婚介指？我答佢唔係。。。佢再問係咪訂婚？嗰一刻我諗都冇諗就答係～其實我咁答唔止因為我想避開佢，而係我都好想真係可以同啲人訂婚，兼且我都認定咗嗰個係佢～不過唔知啲人知道咗我咁講之後會有乜諗法，會唔會覺得我亂講呢？

今晚收工我哋約咗響 K11等，因為我想帶啲人去試 Luna 嗰個 Crun Bar ～我換定等啲人嚟，不過我冇試到嗰個抹茶味😞因為我張 coupon 只限換原味，我唔捨得買俾自己，假如買俾佢就冇所謂～

響 Luna Cafe 我見番 Boss, Irene & Nick 。。。當日辭職嘅時候，我少少唔捨得都冇，但今日我有少少懷念～或者因為 boss & Irene 都對我太好，所以我先咁啦！

啲人嚟接我之後，就帶我去食嘢，跟住仲同我行街同買紫菜卷食😋我哋之後就返屋企，不過啲人又開始心不在焉，我真係好擔心佢。。。佢咁樣其實真係一種病態，我好驚佢再係咁會有事！依家嘅佢就好似當日媽咪啱啱開始精神緊張嘅時候咁～我唔知可以做啲咩！

低能仔，我真係好擔心你，你唔好有事呀！我真係好驚好驚。。。

分類: 我們的生活點滴

[ 訪客留言(0) ] [ 編輯日誌 ]

« | 108 | 109 | 110 | 111 | 112 | 113 | 114 | 115 | 116 | 117 | ... | 384 | »