一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34177

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 48

累積人氣： 34177

2017 年 6 月 30 日星期五


	扮靚啲，接收工

今日終於都星期五喇！啲人聽日、後日都放假可以陪我～所以我今日成日都好開心。。。

今日個傻佬食飯嘅時候，又影咗個飯盒俾我睇😍其實見到佢會咁鍾意，我每日煮都覺得係一種動力～始終我最想見到嘅係佢開心同幸福！

去澳門嘅嘢終於搞掂好晒，下星期可以同啲人二人世界喇😍我知道佢以後嘅日子，可能正如佢所講咁冇乜時間理我，而我亦要開始返學，唯有響呢段日子，我要更珍惜同佢一齊嘅時候，因為我好驚有啲嘢會返唔到轉頭！

今晚我出咗去接啲人收工，個傻佬叫咗我上佢公司，其實我覺得好開心架！不過始終驚襯佢唔起。。。今晚我哋去咗食雪膠，跟住食完飯就行咗一陣～不過今晚佢好奇怪，我有時行行吓會見唔到佢😞同埋佢好似唔係好想拖我咁，或者佢只係攰，我唔應該亂諗佢！算啦。。。諗吓下星期煮乜嘢俾佢帶返工好過喇！

分類: 我們的生活點滴

[ 訪客留言(0) ] [ 編輯日誌 ]

2017 年 6 月 29 日星期四


	第二日

今日啲人第二日返工，唔知佢習慣未呢？唔知當佢 lunch見到我為佢預備嘅午餐，有冇特別掛住我呢？有人下晝打過俾我，我真係好掛住佢～不過唔緊要啦。。。佢星期六都放假，到時就可以痴住佢！

晏晝我出咗去同媽咪食嘢同買餸，我終於都買咗個我最想要嘅 lunch box 俾佢，我一直最想揾嘅係日本嗰啲飯盒，有上下兩層，唯一美中不足嘅係冇間隔，如果有埋間隔就真係完美喇😍我今日依然有預備定聽日嘅 lunch box俾佢，好想佢食得健康～不過可以整便當嘅日子唔多。。。我24号要返工喇！

呢兩日啲人收工都冇即時返嚟。。。搞到好晏先返～其實我有少少唔開心同亂諗嘢架！今晚佢9點幾返咗嚟，啲人依然買埋雪膠返嚟，仲買咗企鵝嘅曲奇俾我添！服侍完啲人食飯之後，我哋就去咗百佳濕平，有人買咗我最愛嘅熱浪俾我添！不過我最想要嘅係啲人陪住我～同有時氹吓我。。。佢好耐都冇氹過我喇！

分類: 我們的生活點滴

[ 訪客留言(0) ] [ 編輯日誌 ]

2017 年 6 月 28 日星期三


	他的第一日

今日啲人要返新工喇！呢個係佢人生嘅第一個大轉變，唔多唔小都一定有壓力，所以我真係好擔心佢～我只係希望佢以後條路行得舒服，行得順利……

啲人今日lunch打過俾我，我真係好掛住佢。。。我一直都以為佢今晚同同事去玩唔返嚟食飯，點知啲人6點幾打番嚟話唔出去，嗰一刻我好開心架！不過佢成9點幾先返到嚟～但就買埋雪糕返嚟俾我。。。

今晚因為佢臨時返嚟食飯，我唯有將佢聽日個飯盒抽起啲飯俾佢～我哋只係見咗好小時間，我真係唔想佢走。。。我好想癡住佢！

BB，我今日幫你整個飯盒時，其實我真係覺得好開心～雖然唔係第一次整便當俾你返工，但今次感覺真係好唔同，所以我好俾心機咁整，我好想你響公司見到個飯盒時，會令你更掛住我～你知嘛，呢個係我夢想中嘅生活，就好似大大與小妹條片咁！

分類: 我們的生活點滴

[ 訪客留言(0) ] [ 編輯日誌 ]

2017 年 6 月 27 日星期二


	最後假期

二人世界今日終於都完結～由聽日開始，啲人就要返新工，而我就繼續自己一個等佢收工返嚟！希望佢聽日返新工，一切順順利利！

今朝啲人十點幾就叫醒咗我，我哋落咗海怡食麥記仲換咗個 bello 添😍食完嘢我哋去埋銀行，就去百佳、屈臣屎濕平買日用品，有人仲買咗盒朱古力餅俾我！跟住就返咗屋企二人世界～

返到屋企我哋就作最後衝刺，執多次間屋之後，就開始再打機～玩到三點幾啲人就去銀行，我就返屋企～今晚啲人整好晒所有嘢，同安頓好佢媽咪之後，就同我響海怡食飯。。。其實呢幾日一切都好好哋，但唔知點解又突然黑面～每一次咁樣，我都會好驚好唔知點！直到返到西邨我提佢有曱甴，點知佢都踩咗落去。。。佢依然都係黑口黑面咁問我做乜？我講完之後佢都係咁，我冇理佢自己行咗去～其實我個心好痛，因為我根本唔知佢諗緊乜？一啲都唔了解佢。。。

分類: 我們的生活點滴

[ 訪客留言(0) ] [ 編輯日誌 ]

2017 年 6 月 26 日星期一


	二人世界

今日係二人世界嘅最後一日～唉，我唔想冇得攬住佢，更唔想唔可以一齊打機😞假如一齊住嘅話，我就可以晚晚都癡住佢，更唔使驚以後煮唔到飯俾佢食，最重要可以煮早餐同飯盒俾啲人帶返工吖嘛！

個傻佬今日放假，下晝佢帶咗我去海怡食嘢，跟住就陪佢去銀行。。。我見佢之後要交收，所以我就決定煮飯等佢返！

啲人今日咁啱提起玉子燒，所以我就整玉子燒俾佢，仲整咗漢堡扒、炒雜菇、蒜蓉炒生菜、咖喱飯同大判燒俾佢！返到嚟我就一直忙，忙到成9點先過啲人屋企～個傻佬好乖咁幫我食晒啲嘢😍兼且仲陪我交收同買雪膠俾我。。。

今晚我哋兩個響屋企都忙住執嘢，有個傻佬一齊執屋，種感覺又真係幾 sweet 嘅！只可惜唔係我哋屋企啦。。。唔知我哋將來間屋，又會唔會有人同我一齊執屋呢？幫佢抹完地之後，我哋就開始打機喇。。。太好喇！有人同我一齊玩🤗我好鍾意同佢一齊玩～你以後陣係只可以陪我玩，陪我癲，同買雪膠俾我……唔可以陪第二個做呀！

你記得聽朝叫醒我呀😘😘

分類: 我們的生活點滴

[ 訪客留言(0) ] [ 編輯日誌 ]

« | 96 | 97 | 98 | 99 | 100 | 101 | 102 | 103 | 104 | 105 | ... | 384 | »