一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34418

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 57

累積人氣： 34418

2017 年 5 月 31 日星期三


	陪著你走。。。？

尋晚發夢夢見同啲人仲響日本，夢裡面我哋好開心，好似第一次一齊去台灣咁。。。唔知點解一切都唔再同當初一樣！

今朝扎醒咗，見到啲人尋晚有 whatsapp 過我，不過就唔係每日一篇，而係一首“陪著你走”……我一路聽住，一路不自覺瞓番～如果一世都係“陪著你走”，你話幾好呢？！67132765

醒咗之後其實一直都好唔舒服，個頭好痛兼且好想嘔😷但我都有堅持買餸俾佢，今晚煮咗三個餸“雞扒藜麥沙律”、“咖喱雞”同“黑松露炒蛋”！一心諗住佢返嚟見到會好開心，不過唔係咁。。。

佢收工就返咗，今晚同尋晚一樣，都係冇乜表情～而且我哋亦各有各玩電話😞其實我呢兩晚都唔開心架！

分類: 我們的生活點滴

[ 訪客留言(0) ] [ 編輯日誌 ]

2017 年 5 月 30 日星期二


	我們的端午節

今日端午節，爸爸家姐都放假，而媽咪就去陪婆婆，啲人又要返工。。。所以我哋今日三父女相依為命！

有人今日食飯嘅時候打俾我，真係好冧😍見佢咁乖我梗係落街買嘢整俾佢食啦！不過落街買餸嘅時候，俾架手推車撞到隻腳，瘀咗一大塊。。。依家行嘅時候仲好痛😭

今晚啲人收工就返咗，不過佢好似冇乜心機，服侍完啲人食飯之後，個傻佬突然拎咗盒蛋膠出嚟，原來有人去咗買我最鍾意嗰間嘅住多啤梨蛋膠俾我😋自從響日本返嚟之後，佢每逢收工返嚟，佢都會買我鍾意食嘅嘢俾我，呢種小禮物對我嚟講真係好幸福😍如果呢啲幸福可以一直維持到老就好喇！因為我真係好愛呢個人～

分類: 我們的生活點滴

[ 訪客留言(0) ] [ 編輯日誌 ]

2017 年 5 月 29 日星期一


	擔心

今日瞓到十二點幾就俾婆婆叫醒咗，婆婆驚我攰想俾我繼續瞓，不過我真係好擔心佢，所以我一定要起身去睇吓佢。。。

我帶咗婆婆去飲茶，婆婆殘咗好多，原來佢成個星期都冇點瞓過，一合埋眼就見到表弟對住佢笑，佢一路講一路流眼淚，我見到佢咁個心好痛～我唔知可以點做？

陪咗婆婆一陣，我就去買餸返屋企，原本諗住個傻佬尋晚食咗辛辣麵，今晚就煮響日本買番嚟個拉麵，點知個傻佬話要同我一齊食先食～正傻豬！唯有煮番辛辣麵啦！我再整埋炒菜、芝士竹輪玉子燒同雞扒～

今晚整嗰個玉子燒令我諗起響東京俾佢試真正玉子燒嘅味道嗰個樣，個傻佬一直都唔知我為佢整嘅玉子燒，其實係為佢特別調味，我好想佢永遠都記得呢種味道！

今晚佢收工就返咗嚟，有人好似特別温柔，兼且真係帶番我買俾佢嗰盒嘢返嚟～佢好似好鍾意今晚嘅晚餐。。。食完飯仲同我一齊食雪膠，我哋只係見咗一陣，我好想可以癡住佢！

分類: 我們的生活點滴

[ 訪客留言(0) ] [ 編輯日誌 ]

2017 年 5 月 28 日星期日


	重新適應

尋晚返到屋企已經點幾，搞埋啲嘢三點幾就不知不覺瞓咗，冇啲人瞓響隔離雖然冇俾人打，但就真係好唔習慣～瞓醒第一個唔係見到個爛瞓豬，而係爸爸。。。我好想見到佢！

今朝雖然好眼瞓同攰，但我都堅持起身同爸爸飲茶，話晒成個禮拜冇見，我好掛住佢架嘛！食完嘢就去買餸同買嘢煲涼茶俾啲人。。。

今晚返咗阿麻到食飯，阿麻響我響東京第一晚，同我視像時已經問定我想飲乜嘢湯？今晚真係煲咗我最愛嘅蕃茄魚湯，超好味！而姑姐又買咗一大堆化妝品俾我😂😂今晚真係又食又拎呀！

啲人收工就返咗嚟，我煮完啲嘢就過咗佢到，我好掛住佢。。。而個傻佬就買咗雪膠返嚟俾我，其實我今日食咗好多雪膠，因為孻叔又留咗雪膠俾我，我真係要減肥喇！

今晚啲人食完飯就一齊睇大結局，我哋一路食響東京買返嚟嘅嘢一路睇，但俾我發現我專登揾俾佢嗰盒嘢，佢拎咗去做手信😞嗰一刻我承認我諗佢唔知送俾邊個，因為佢要買返公司嘅嘢都已經計好晒😣或者我咁諗係因為。。。唉！！唔好有另一個😣亦唔好鍾意另一個可以嗎？

分類: 我們的生活點滴

[ 訪客留言(0) ] [ 編輯日誌 ]

2017 年 5 月 27 日星期六


	我們的四週年甜蜜之旅♡Tokyo day 7

今日係最後一日，我9點半就起身整嘢，因為尋晚冇瞓過（啲人瞓到打拳咁，仲勁過早幾日😭）今日勁攰呀！

執好晒啲行李之後，我哋就去咗新宿，有人堅持要買我送俾家姐嗰個銀包俾我，因為佢知我好鍾意，所以就算幾難揾都好，佢都要揾到俾我，佢真係好傻～

響新宿食咗一餐好好味嘅午餐之後，我哋就搭機場快線返成田機場，雖然呢幾日大家都好似唔開心，而且佢又好似開始嫌我煩咁，但其實我唔捨得同佢分開，因為我真係好愛好愛佢，依然好想對住佢一世。。。不過啲人就話“終於都可以返屋企”😞係咪冇以前咁愛我喇？

返到香港等埋行李都已經十一點，我哋都好肚餓。。。有人響機場請我食飯，仲帶我搭的士返屋企，返到嚟仲送埋我去樓下先走！

返到屋企我已經唔習慣佢唔響我身邊，我好想以後每晚都可以好似旅行咁攬住佢瞓，就算瞓到俾佢打我都願意！我只係想要返以前嘅低能仔！

分類: 我們的四週年甜蜜之旅...

[ 訪客留言(0) ] [ 編輯日誌 ]

« | 102 | 103 | 104 | 105 | 106 | 107 | 108 | 109 | 110 | 111 | ... | 384 | »