今日星期日，終於都冇打風喇！我一早起身同爸爸飲完茶就去買餸喇。。。

今日個傻佬好 sweet ，起身除咗揾我之外，出去交除時都有話聲俾我知😌我覺得佢有交帶咗，會令我安全感多咗~因為起碼我響屋企煮飯時，我都會知道佢去咗邊，唔會揾唔到佢吖嘛！

其實今日我好開心，因為啲人陪咗我好耐，我哋好耐都冇試過舒舒服服咁攬住瞓，而且佢對我仲好熱情，我覺得有啲似返翻剛剛拍拖時咁……明顯地我今日真係笑多咗好多架！

夜晚啲人去交收，我就返阿麻到食飯！阿麻話我唔帶低能仔返去食😂食完飯我就返去佢到！今晚雖然只係好簡單咁一齊睇電視，但真係好温暖同温馨∼我想要嘅生活就只係咁，冇黑面，冇眼淚，冇難過，只有簡簡單單咁一齊到老。。。

 今日星期六喇。。。以為可以一直瞓晏啲，點知又係平時返工時間醒咗，最後玩咗一陣電話先瞓得翻😪

今日啲人帶我去拍拖，佢因為要交收所以提早出去先，而我就專登扮靚啲去見佢！因為我想俾啲新鮮感佢…其實由佢識我嘅時候，我都已經係嗰啲冇乜買衫意欲嘅人，但最近呢兩個月，我都有買衫，而且仲要係買裙，我好想俾佢覺得我真係為咗想令佢眼前一亮而扮靚啲。。。或者自私啲講句係想佢望我多一啲~

今日啲人響旺角等我，我就著咗早兩日收工時買嗰條裙，一見到我就問我係邊個🙄我嗰一刻我以為條裙唔靚佢覺得肉酸架！幸好佢冇講話我醜樣咋😅😅啲人今日好似唔同咗，唔知係咪因為尋日冇見過，佢好似拖得我同攬得我實咗，仲好温柔添。。。我當然同平時一樣咁癡實佢啦！

我哋響旺角食完嘢就去咗荃灣，雖然平時返工都響嗰到，但今日感覺好唔同，我好想佢知我返工響邊？平時食早餐又會響邊到？所以我帶佢行去返工嗰條路（其實我陣係識嗰條路😂）響荃灣我哋都好開心，雖然佢唔係第一次帶我去，但或者因為我哋只係嚟過兩次，周圍嘅嘢都好新鮮，同時亦令我諗番第一次同啲人嚟嘅一點一滴！今日我哋除咗周圍食，仲去咗 go go go，玩得好開心∼夜晚個傻佬仲專登帶我去食海南雞飯。。。如果以後每一日每一晚都可以見到呢個人，同呢個人一齊生活就好喇！

今晚走嘅時候，我哋都冇出聲，唔知點解我覺得係我做錯嘢令佢唔開心😞所以就算我幾想同佢一齊睇電視甚至。。。我都選擇咗返屋企！

 今日星期五喇。。。返埋今日又可以抖兩日，返咗成個星期個人真係好攰，好想可以攬住啲人瞓餐飽，不過這些機會不屬於我😞😞

今晚收工我自己返屋企，而啲人就去玩。。。冇佢響身邊嘅夜晚我好唔習慣，依家只係得一晚都已經咁樣，遲啲佢去咗韓國，我都唔知點算喇！唉…一諗到咁就已經好唔捨得佢😩如果我有個多啦A夢響身邊咪好囉！咁我就可以隨時都見到佢，因為我知道我真係（沒有你，我甚麼都不是）

低能仔，我真係好掛住你！

今朝六點幾就起身，因為要幫家姐化妝去見工。。。個人好攰好攰！返到公司又開始有嘢做，一直都好忙。。。忙到收工！

六點幾收工嘅時候，荃灣個天已經黑晒，而且仲好大風，我唔係擔心我自己會淋濕，反而擔心佢多一啲！不過我最近覺得其實我嘅擔心有啲多餘，因為我覺得自己嘅角色真係唔多似佢身邊嗰個！

今晚佢好夜先返，我又係煮定飯 on 居居等佢返，過到去其實我哋都係冇乜點講嘢，唔知點解我好想同佢 share 我返工嘅嘢，但最後我都係唔想講佢知，或者因為知道佢根本冇乜反應！

直到講起今日我 tag佢睇嘅嘢，佢直接講佢根本冇睇過時，我其實覺得好唔開心。。。因為我知佢會留意其他人嘅嘢，相反我嘅嘢佢已經唔再在乎！正如今日有同事問我，點解你男朋友好似唔會 like 你啲嘢？係咪佢冇你 ig &  fb？我嘅答案令到佢哋啞咗，因為連我自己都唔信（就算我tag佢或者我放嘢上去，佢都唔會再有興趣去留意。。。） 

 今日都係要返工，返到去都係開始有嘢做，不過都好開心，因為今日學推脂，係啲人最想做嘅嘢，咁我學好啲嘅話，就可以幫啲人做啦！

收工之後，我就去咗交收。。。然後當然等啲人收工啦！今日我做咗一日無飯女友（唔知幾時可以叫無飯主婦呢？）可以抖一抖！我買定啲人最愛嘅蛋糕等佢，而啲人又帶咗我最愛嘅小丸子同阿 bob 俾我，我開心到傻，因為真係好 surprise 😍

今晚我專登同啲人去食炒飯，其實我明知自己食唔到，但啲人最鍾意食炒飯，加上嗰到啲炒飯夠大碟，我就可以留一半俾啲人聽日帶飯，佢就唔使嘥錢出去食喇！食完飯我哋去咗360行咗一陣就返去喇！

希望快啲到星期六，咁我就可以癡住佢耐啲喇！