尋晚 mok 完隻智慧牙之後，因為麻醉藥過晒嘅關係，所以越嚟越痛，瞓覺嘅時候只要整到，就會痛醒咗，而且仲要發冷同發燒添😞搞到瞓得好差。。。

今朝醒咗其實都仲係好唔舒服，但我都有撐住返工。。。返到去食咗藥其實仲好痛，兼且個人仲好吽😷幸好時間都好快過，因為今朝上理論堂∼到咗十二點就瞓響到做 modle ，Miss 好好人，見我咁樣就唔使同事搞我左邊面，咁我就瞓咗一陣，然後就食飯喇！不過我依然痛到冇乜胃口，食咗好小就食唔落喇！

收工之後我就返去煮飯俾啲人，啲人交收埋等埋我先返…雖然我哋只係見咗一陣，但我都有嗲佢餵我食雪膠同按摩~

今日又係最後一日假期喇！唔知點解假永遠都咁快完結😑返工嘅時候，又唔見過得咁快🙄🙄

今朝都係9點幾就起身同爸爸二人世界，之後同爸爸行咗一陣，佢仲要唔怕熱咁陪我買餸∼買完之後就趕返屋企煮聽日嘅飯盒俾啲人！因為下晝要去見一個我人生最怕見到嘅人。。。牙醫😭😭

今日啲人陪我去睇牙醫，其實有佢響身邊，我覺得係安心啲。。。不過一諗到要打麻醉針去 mok隻智慧牙，我就真係好驚！結果打咗四支針，痛到飛起，之後仲要夾硬（蚊）隻智慧牙出嚟，真係好辛苦😭短短半個鐘簡直攞我條命。。。

搞掂晒就等啲人返嚟接我，其實我已經好痛，不過我唔夠膽話佢知，我陣係叫佢帶我去玩，望住佢玩到笑，我就覺得冇咁痛！玩完之後我哋就返咗海怡食嘢，今晚我好易就喊咗出嚟，因為我真係好痛，好想嗲啲人。。。去完海怡我哋就各自返屋企先，我拎完飯先過佢到，過到去本來一齊睇大結局，但我食咗啲藥攰到攬住隻蛋黃哥瞓著咗💤如果每晚都可以攬住真嘅蛋黃哥瞓就好喇😍 

今日星期六喇。。。終於可以瞓晏啲，同埋可以痴住啲人喇！今朝五點幾醒咗，我見爸爸已經起咗身整嘢返工，我就嗱嗱臨執埋啲枕頭被搬過爸爸房瞓。。。一瞓瞓到十二點比媽咪嘈醒咗😞😞

啲人今日帶我去街，我落到去嘅時候，啲人話佢自己出咗去先，其實嗰一刻我覺出好無奈架！因為我今日專登扮靚啲，仲扎埋頭髮見啲人，好想佢可以即刻見到，點知我要自己出去😭😭

去到尖沙咀時，我啲藥已經開始散，個人又開始不在狀態，超眼瞓！不過有啲人響我身邊，我就已經好滿足啦∼陪啲人食完嘢之後，我哋去咗 K11 食 crun bar 同抹茶芭菲，好好味呀！期間我同 Irene whatsapp ，唔知點解我覺得有種好 warm 嘅感覺，或者因為我對呢間公司仲有感情，只不過我知呢到唔可以令我留一世！

食完嘢我哋去睇咗陣小丸子，就去咗旺角。。。因為啲人話想去 gogogo ！今日其實玩得好開心，不過又玩咗好多錢，嚟緊我早餐同午餐都要食＄7嘅燒賣喇😭😭玩完就去食晚餐，食我最愛嘅炸雞！食完嘢有人話帶我買衫，我睇中咗條裙，不過我唔捨得佢買，最後我自己俾錢！我哋行多陣就搭車返屋企喇。。。好想繼續痴住佢呀😭 

終於都到星期五喇。。。返埋今日又可以痴住啲人兩日，好開心呀！

今日食咗啲藥好番啲，不過依然都係痛同燒，兼且食完藥個人又吽又眼瞓，今日仲要考三個試，搞到完全唔係狀態，好多理論都記得啲，唔記得啲😑但幸好總算過晒關！

收工之後就落銅鑼等啲人收工，今晚我哋好早就見，仲要啲人帶我食韓燒添！食飯嘅時候，我哋講搬屋嘅問題，雖然有排都未可以一齊住，但其實諗吓都已經好開心，因為我真係好想有一個屬於自己嘅家！

聽日啲人又帶我去玩喇😌😌希望聽日大家都可以開開心心咁過啦！ 

 由尋晚開始個肚同個胃都好唔舒服，仲要周身都好熱，本來諗住 lunch 先去睇醫生，但點知響公司不停咁嘔。。。Miss 同啲同事見我面青晒，就叫咗我去睇醫生，睇完醫生就返去繼續開工，因為我唔想扣勤工同人工，所以繼續撐落去！

食完飯返去又係咁嘔，本來今日要考試，但 Miss 見到我咁，就叫我今日唔好考試。。。下晝我返去就做 model ，幸好可以瞓一陣！但依然都係好攰∼

今晚我攰到冇見過啲人，冇佢響身邊我真係好唔習慣，我好想病咗有佢響身邊照顧我，如果我哋一齊住就好喇！咁樣我就可以病咗都繼續嗲佢啦… my dream home,  where are you?