今日放假喇。。。啲人十一點幾就叫醒我，我去李娟睇埋皮膚敏感之後，啲人就帶我去玩喇！今日過咗一日好開心嘅假期∼

今日我著咗一套我因為佢而買嘅衫，我揀呢套衫嘅時候，我覺得佢會鍾意，同會有 surprise ，啲人一見到我嘅時候，就問我做乜著到咁？有人話鍾意其他人咁著，但就唔鍾意女朋友咁著。。。雖然佢口嗰句咁講，但佢今日對我超細心，會得閒睇吓我件衫有冇整起？然後幫我整翻好，好似驚我會俾人睇蝕咁，好冧呀😍

今日我哋去咗好多地方，晏晝啲人帶去灣仔我唱 K lunch ，我玩得好開心，我好鍾意聽到啲人唱歌，好似個小粉絲咁∼因為真係好好聽，特別係我的男人唱你的男人時😍真係超好聽！如果下次可以玩耐啲就好！

唱完 K我哋就去觀塘，啲人想帶我去APM到睇我想睇嘅展覽，臨去之前，我自己上咗舊公司，其實我都掛住嗰到，上到去同阿容傾咗一陣，好開心。。。跟住就去揾翻我嘅 bb chu！APM好多人，個展覽多人排到我哋都冇睇到，只係四圍行四圍食嘢，夜晚就返去旺角行吓！

響旺角啲人都開始攰，所以我哋返咗海怡食夜晚，之後行埋百佳我哋就行返去！行返去嘅時候，啲人開始唔彩我喇😞唔知我做錯啲乜呀。。。對唔住呀！

終於都到星期五喇。。。返埋今日又可以同啲人一齊放假去玩，真係好😍

今日收工之後，我就去買咗 miss 介紹嘅嘢之後，就落銅鑼灣等啲人接我，個傻佬 8點幾就出到嚟，我哋食完飯就行咗一陣，啲人帶我去時代廣場行，個傻佬見到我想食嘅望月月餅，本來想買俾我，不過我真係唔捨得，因為實在太貴喇。。。但假如係買俾佢，我就捨得買俾佢😘

雖然今晚我哋只係行咗一陣就返去，但我都過得好開心，因為有啲人一見到我就叫我老婆吖嘛😌好期待以後有人每日都叫我老婆，應該話我只係期待一個人會咁叫我😍

最近我鍾意咗睇（爸爸去哪兒5）望住陳小春對佢個仔嘅態度，我響到諗唔知個傻佬將來對我哋個仔或者女又會點呢？會係一個好似陳小春咁嘅嚴父？定係好似依家對我咁會係一個暖男呢？我哋個仔又會唔會真係可以叫卓凱呢？ 

今日都係要返工，唔知點解個人好攰好眼瞓。。。搭地鐵返工嘅時候，我攰到瞓著咗💤不過都仲係好眼瞓！今日上晝學機，下晝嘅時候就做 model ，雖然可以瞓一陣，但都仲係好攰…

收工就趕返去煮飯等啲人返嚟，個傻佬今晚9點幾返，我哋一陣食薯片，月餅，同睇電視😍我仲瞓響啲人隻腳到睇電視，好冧呀😘😘啲人仲話聽晚帶我去街，同星期六同我唱 K 睇戲，嘻嘻。。。 

我們的五十二個月

今朝一醒咗心情已經好靚，我仲扮靚啲返工添。。。因為今晚同啲人去街街嘛！

今日返工上晝就做 modle ，我等自己休息夠就下晝考試，原本諗住陣係考一兩部機先，最後我決定一次過考晒去，起碼今晚我可以安心同啲人出去拍拖嘛！結果一 take 過全部 pass 🙈

今晚我企咗響地鐵站等啲人，話晒52個月，我買咗個栗子杯同啲人簡簡單單咁慶祝，不過我等咗佢一個鐘，我餓到想偷食咗去，但一諗到想啲人開心，我就忍住冇食😂啲人嚟到接我後，就餵我一齊食喇！最鍾意就係咁~

今晚我哋簡簡單單咁食完飯就返去，但我已經好開心，因為有人俾我逼佢攬住我影咗張相當係禮物，呢份禮物我真係好鍾意，鍾意過佢買嘢俾我，因為呢份回憶係有錢都買唔到架！所以我真係好珍惜好珍惜！ 

今日都係返工，明顯今日精神俾尋日好咗。。。不過食咗啲藥都依然好攰，同個身仲好熱！

今日食飯啲人打俾我呀😍好耐都冇食飯嘅時候聽過佢把聲，所以心情特別好！收工之後，我就趕返去買外賣同煮飯，今晚買🍕返去食，我除咗留咗俾啲人之外，仲煮定飯盒俾佢帶返工！一煮就煮咗兩個，因為聽日20号，啲人應承帶我去拍拖😘

今晚啲人特別嗲，仲特別温柔。。。我哋一齊攬住睇電視，好 sweet 😍而且佢仲陪咗我好耐，冇掛住陣係玩電話，只係專心同我睇電視添。。。臨走前仲同我玩，今晚好似過得特別温馨！快啲有自己屋企就好喇。。。