今日返工喇。。。仲要返朝十晚八，由開鋪做到收鋪😪而啲人今日開始一連四日假期，真係好。。。我都好想可以同啲人一齊放假！

做完最後一個客，我就嗱嗱臨整嘢收工…等埋啲人我哋就一齊去工展會！今晚入到去我哋不停食食食，好鍾意咁樣一路行一路食，可以食到好多唔同嘅嘢，最重要係有啲人陪我一齊食！

今晚食完嘢，我哋就行去爸爸公司擺嗰個攤當，望住爸爸做嘢嘅背影，我真係覺得佢老咗好多∼之後我哋就買咗啲嘢拎番屋企俾爸爸食，我哋就走喇。。。

今日係冬至，亦係我嘅放假日∼我係一個一向好重視節日嘅人，特別係要一家人一齊食飯嘅，我更加重視！所以我專登拎咗今日假，咁就可以返阿麻到食飯喇！

經過尋晚嘅事，我成晚都冇乜點瞓，到今朝先叫做瞓得著∼瞓到十一點，爸爸就叫醒我起身飲茶，但我望一望電話，啲人冇揾過我∼

同爸爸食完嘢，拎埋今晚做冬啲海鮮，我就返咗屋企，我一直有等啲人覆我，不過好似等極都等唔到。。。直到我再 send 另一個whatsapp 俾佢，佢先覆我！完全冇佢消息呢段時間，你問我有冇亂諗嘢？我可以話有！真係有！！

今晚啲人返咗嚟同我一齊做冬，但我知啲嘢根本唔啱佢食，其實我最想佢上嚟飲湯，我係諗住佢飲完湯再陪佢食過其他嘢。。。食完飯我同佢講想落海怡，我好想同佢拍吓拖，行吓！不過佢太攰，我哋買完嘢就走~

行行吓啲人突然用橡筋cool住我同佢隻手，其實我覺得浪漫架。。。不過我諗起姑姐今晚同我講嘅嘢，我就覺得好驚∼呢句說話我記得之前都有聽過，係講我同十年嗰個∼最後當然係好準，如果唔係都唔會有低能仔出現！今晚再聽到呢句說話，我真係好擔心。。。好擔心會失去佢，好擔心真係唔結就分😖 

 最近壓力真係好大，不論返工定還是其他，我都覺得壓力大到抖唔到氣~成個人都覺得好攰好攰∼唔知點解我覺得將來好模糊，好似唔知點樣行落去，甚至唔知應唔應該行落去！我陣係覺得好似好難行。。。好似得番自己一個咁！

今日返早，最鍾意就返早，因為可以收7點，咁就可以早啲返屋企煮飯俾啲人食∼

收工之後，我就趕返屋企煮飯，本來諗住我們的55個月，可以攬住響屋企二人世界，不過爸爸今晚OT，搞到成十點先有飯食，所以啲人要逼住上嚟食飯，又係見咗一陣就要走喇… 

星期五就冬至喇！除咗可以放假之外，仲好想可以同啲人一齊過冬♡ 

返工遇到好唔開心嘅事，放工又唔知佢做乜😞今日乜都唔想寫。。。