今日放假，諗住可以會放鬆一啲瞓得晏啲∼點知都係瞓得好差😪😪下晝我就出咗去買嘢煮飯煲湯。。。返到屋企我一直都冇停過，搞到夜晚先有得停，不過都仲係好攰！夜晚啲人早咗返，我拎埋啲飯同湯過咗佢到，啲人就陪我睇電視同食薯片∼

好想好想同啲人過一個舒服嘅二人世界嘅假期呀。。。 

 今日返十二點，終於可以瞓晏啲喇。。。十點幾先起身返工！雖然都仲係好攰，但幸好返埋今日，聽日可以放假，連踩六日真係好攰呀！

原本以為今晚得一個客，今日會好得閒，點知都係忙到死😖仲要點幾就食飯，一直捱到收工。。。收工之後，我就等埋啲人一齊食嘢，食完嘢我哋就搭車返去，不過我哋冇乜點講嘢😞我好掛住嗰個好嗲嘅bb chu! 

今日星期日要返早……一返到公司已經好忙，忙到成三點先食飯😖餓屎禾喇！雖然可以收早，但我由朝忙到晚，個人好攰好攰~收工之後我就趕返阿麻到食飯，阿麻又煲咗我最愛嗰隻魚湯俾我，仲煮咗好多我鍾意食嘅嘢俾我，兼且仲有🦀🦀添！

今日啲人都係放假，佢就自由活動，我都好想可以同佢一齊放假，其實我好想都可以有份穩定嘅工，可以同佢一齊放假，一齊返工😞特別係將來有自己嘅家時，咁就可以好圓滿！

今晚我帶埋飯盒上咗佢到，同啲人一齊睇石敢當😌之後仲一齊睇淘寶同玩添！有佢響身邊嘅時候，我係最開心！不過最開心嘅係，有人響 fb留言俾我，咁樣我已經好冧喇！ 

已經好多晚瞓覺嘅時候都發夢夢見自己返緊工，搞到每朝起身雙手都係揸實拳頭，個口又係咬到好實，就好似冇瞓過咁💤結果今日做客嘅時候，我攰到手震，兼且一用力就痛。。。我真係崩潰喇😭

收工之後啲人已經響樓下等我，不過我已經散晒。。。我哋食完嘢行咗一陣，我已經頂唔順返屋企∼返到去就要煮定啲人嘅飯盒，因為如果聽晚先煮，就趕唔切聽晚拎俾啲人，唯有今晚煮定，如果唔係啲人星期一就冇飯食架喇！

今日又係要開會嘅一日，真係好攰呀😞開完會返到公司已經好忙，因為已經有客喇。。。加上今日又要考試，基本上全日都冇停過，最終仲要 OT到8點先收工，成個人散晒∼

今晚等啲人收工，啲人收好夜，我企咗響樓下等咗個幾鐘，又餓又攰😭好唔容易先等到啲人落嚟，我已經攰到乜都唔願諗。。。食完嘢我哋就搭車返去∼仲要捱多三日先有假放，我好想瞓到自然醒呀！