今朝要返寫字樓開會，開完會十二點就返公司，一點就開始有客，做到三點幾先食飯，返到去又忙過。。。最後七點幾先收工💤

收工之後就趕返屋企，本來煮飯俾啲人食，但真係太攰，結果我只係響大快活買外賣俾啲人∼不過啲人好夜先返，所以我唯有叫啲人上嚟樓梯口食，一路食一路睇電視∼

低能仔，對唔住呀！要你咁辛苦咁坐樓梯口食飯，仲要係捱飯盒添😞 

今日返工喇。。。雖然返十二點，可以十點幾先起身，但我都係9點幾就醒咗，響床hea到鬧鐘響我先起身∼今日返工超悶，因為一個客都冇，成日on 居居等收工，最後我補鐘收8點，咁我就可以早啲見啲人∼

今晚我哋食完飯，就去 sogo 行咗陣，我仲襯特價買埋薰衣草蜜糖，因為自從飲咗呢隻蜜糖之後，我的確哮喘小咗同夜晚可以瞓得好啲，但真係好貴😭😭行咗一陣，我真係好攰，所以我哋就返咗屋企！仲要捱多5日先可以放假💤 

今日係假期。。。但又係9點幾就醒咗😭醒咗之後都瞓唔返，一直響張床都賴死唔郁，直到兩點幾先起身去覆診同買餸。。。

媽咪今日過咗婆婆到，我就除咗煮飯俾啲人今晚同嚟緊兩日嘅lunch外，仲要煮埋今晚我哋三父女嘅晚餐∼因為我仲未好番晒，爸爸就幫我炒菜同煲中藥，而我陣係煎腐皮卷同炸菜肉絲，簡簡單單食一餐！有爸的孩子像個寶♡

啲人今晚都算早返嚟，我飲埋藥同沖埋涼就過咗佢到∼自從佢媽咪嗰件事之後，啲人呢排都對我特別温柔。。。其實我好享受呢種温柔，但同時又好怕呢種感覺又會好快冇咗！ 

 今日凍咗好多，一起身就覺得好凍喇。。。今朝七點就醒咗，響張床hea到8點幾先起身返工∼

返到公司就開始好忙，忙到一點開會，跟住就去食飯，而啲人今日就放假，真係好，天氣咁凍可以喱響屋企瞓覺。。。本來今晚645有個客，我應該要做到830先收得工，不過主管幫我調咗，等我做埋430個客，咁就可以hea半個鐘準時七點收工😆我就可以早啲見到啲人！

今晚同啲食完飯我哋就去咗行宜家傢俬，一路行一路諗佢之後搬出嚟間屋應該點佈置，唔知點解我覺得好幸福，或者我一直好想嫁俾佢，同佢有自己嘅家，所以呢一切都覺得好温暖！行完之後，我哋買埋生果就返屋企，其實我個肚同背脊都好痛。。。

今日終於都返工喇！放咗足足9日假，第一日返工有啲唔習慣，加上尋晚冇乜點瞓，所以今日有啲攰∼

今日啲人放假，啲人為搬屋嘅事煩緊，而且佢媽咪又係咁，啲人心情好差，我好擔心佢，陣係好想可以快啲見到佢！

收工之後啲人已經企咗響樓下等我，不過明顯啲人眼腫腫，見到佢咁我個心好痛，我知啲人其實好難受，但我乜都做唔到。。。只可以笑住對住佢！食完嘢我哋行咗一陣，啲人帶我買咗個袋返工，好貴呀。。。我自己都唔捨得買，但啲人都買俾我，仲話係生日禮物😍多謝你呀！

買完嘢啲人陪我返阿麻到，阿麻竟然響啲人面前叫啲人快啲同我結婚😰我知阿麻想睇我結婚好耐，不過咁樣講我都有啲尷尬😂冇諗過阿麻會咁鍾意低能仔∼我只希望我屋企人都會令到佢感覺到温暖，令佢知道呢個世界唔係得佢一個，仲有我哋響佢身邊！