今日放假，終於都放星期日喇😍可以同啲人去玩，好開心呀∼

今朝又係9點自動醒咗，以為自己要返工所以就醒咗。。。之後爸爸話返一返公司，我就自己出去揾位等爸爸撐枱腳…爸爸出到嚟就俾咗袋嘢我，原來係我最愛嘅花膠😍佢一早訂定俾我做生日禮物架！嗰一刻我真係好感動，爸爸仲話雖然我身体俾一般人差，要成日好小心照顧我，但佢都冇後悔帶我嚟呢個世界😭聽完之後，我決定一定要帶爸爸去一次旅行，我希望同爸爸有更多開心嘅嘢！

下晝等埋啲人，就開始我哋嘅假期！啲人帶咗我去奧海城睇小丸子，我哋食咗好多嘢，仲睇晒我想睇嘅嘢，當我想買小丸子嘅床單，點知啲人竟然話（你張床都唔係瞓好耐，買嚟做乜？）聽到呢句其實我真係好開心，好想我心諗嘅嘢就係佢講嘅原因！

夜晚我哋就去睇陳廣偉喇。。。係我最鍾意嘅陳廣偉！今晚係我最投入嘅一次，因為陳廣偉係真真正正代表到我同低能仔嘅最初，逸後，尊嚴，再見不再見。。。仲有佢塊面粒墨！一路睇我就一路諗番當初我哋好難行嘅時候，直到好唔容易先去到沒有你，我甚麼都不是！我好想啲人都記得我哋嘅幸福係得來不易∼

喂！我嘅每日一篇呢？

 今日返十一點。。。9點幾就起身返工，起身之後，個人依然好眼瞓，好想繼續瞓覺！而啲人今日放假，可以響屋企抖吓，真係羡慕呀！

返到公司望到張 booking 紙真係好無奈，因為返十一點，竟然叫我十一點食飯😱邊到食得落呀？最後偷偷哋叫同事幫我改食飯時間，不過只係得番一點有時間食🙄🙄

今晚啲人嚟接我收工，明顯地啲人對我特別温柔。。。仲請我食魚生飯，又帶我去 IKEA 睇嘢，仲會主動陪我諗吓將來間屋係會點？其實我真係需要用心陪伴多過佢買好貴嘅嘢俾我架！因為物質俾唔到愛我，需要我嘅感覺我∼

今晚見啲人對我咁好，我就返到去獎佢幫佢做草球按摩，見到啲人好享受，我幾攰都覺得值得∼返到屋企我就煮定啲飯盒，咁聽日就可以安心咁放假同啲人去玩喇！

 今日返早。。。其實我好想等埋啲人一齊返工，不過我好怕啲人會遲，所以我諗住自己返工，點知響樓下就見到啲人∼突如其來嘅一齊返工，真係覺得好開心∼

今日都好忙，忙到食5點先食飯，不過我見收7點返屋企食飯，結果我就冇乜點食嘢，諗住返到屋企先食，但餓到好暈。。。

今晚我冇見過啲人。。。唔知點解我冇乜感覺，我唔知係我返咗呢份工變咗？定還是真係淡咗呢？我覺得我哋之間越嚟越小溝通，好似平時我哋都好小講嘢，夜晚返到去又唔會傾吓計，返工更加越嚟越小 whatsapp ，嗰種感覺有啲覺得寂寞咁😞

今日返十二點，臨返工前我去咗揾之前用嘅香薰，終於都揾到喇😭冇咗呢隻香薰嘅晚上，我真係瞓得好差。。。

今日響公司都唔算太忙，我見啲人呢兩晚都好早等我，所以我就補鐘收8點∼點知我收早，佢就收夜😂等埋啲人，我哋就食埋飯返屋企。。。因為啲人唔舒服，覺得好暈~ 

今日返工，幸好返十二點，可以瞓到十點幾先起身∼尋晚攰到唔知幾點瞓著咗，不過可能真係太攰，所以今日都仲係有啲攰，兼且頭好痛，好想嘔😑

今日唔算太忙，除咗7點有個客，其他時間都係 training 。。。好難先捱到收工！今晚啲人等我收工，有啲人接我真係好∼我哋食完嘢行咗一陣就搭車返去∼低能仔，你知嘛我真係好掛住你架！