今日放假，一早就起身去睇醫生，自己一個人去，覺得有少少寂寞，特別係病得好緊要嘅時候。。。

醫生話我情況都算嚴重，佢話因為之前做手術後，我嘅抵抗力一定會俾正常人差，加上我冇食啲嘢補吓，我嘅身体一定會冇咁好，佢叫我今次好番之後，要食番啲嘢補吓，等個免疫系統好啲，唔會再咁易病同翻發。。。仲要定時覆診同買supplement，又要使一大筆錢喇😞😞

今日睇完醫生就返咗屋企，食完藥就瞓咗，一瞓瞓到七點先起身😅不過仲係好攰。。。啲人今晚本來話返嚟食7仔，我見佢咁慘，我就煮咗個麵，煎咗隻蛋同腸仔俾佢，佢返嚟仲買咗糖水俾我添😍但可能佢太攰，所以心情都好似麻麻哋咁。。。我都有啲唔開心！

 尋晚好早就瞓咗，不過瞓到4點幾就醒咗，一直都瞓唔返，成晚不停廁所同床兩邊走。。。今朝要上堂，好早就出咗旺角，上完堂就趕返中環開工！

返到公司就食飯，但食咗一半粉就食唔落，兼且嘔返出嚟。。。食完飯返到公司瞓咗陣，到最後都係頂唔順，成個人越嚟越腫，仲好痛同好燒，結果主管叫咗我去睇醫生！

今晚啲人收工返咗嚟，佢上咗嚟睇我，我就整埋飯俾佢食，雖然只係陪咗我一陣，但我已經好滿足。。。因為尋日成日冇見過，我真係好掛住佢！

聽朝又要早起身去睇中醫喇😞😞好返之後我真係要去推淋巴至得！

尋晚食咗中藥之後，好早就瞓。。。不過瞓到半夜開始就越嚟越唔舒服，仲開始不停咁屙😷仲要越嚟越燒！

今朝睇完醫生之後，媽咪同我去咗食嘢，然後就返屋企開始瞓。。。食咗藥個人都係冇力，個人好肚餓，但又唔想食嘢∼今晚我攰到連啲人都冇見過，其實我好想見佢，好想食佢買嘅芝麻糊湯丸。。。不過我叫佢食埋嘢就返去休息！ 

今日放假。。。一早就同爸爸去飲茶，之後就去買餸同睇中醫，返到屋企我就攰到瞓著咗！

醒咗之後我飲埋碗中藥就過啲人到，其實我之前諗住同啲人去街，不過一諗到啲人媽咪就返，我就唯有過去幫啲人執屋抹嘢。。。因為我知如果我唔過去執，啲人又會唔執，我唔想啲人俾媽咪話佢！

或者因為今日仲係好攰同暈，所以執嘢同抹嘢嘅時候有啲辛苦，搞掂之後我哋就落去食嘢同行咗陣，跟住就返屋企睇電視。。。 

今日係我們的56個月，唔知啲人記唔記得呢？今日都係要返工，亦係超忙嘅一日，其實原本收七點，但主管問我收唔收早啲？如果係就冇食飯時間，5點幫我加多個客，咁我做完就可以六點半收工，雖然蝕咗30分鐘，但為咗早啲見到啲人，就算幾肚餓我都要撐住。。。

收工之後就趕落旺角，其實我打俾佢嘅時候，聽到佢側邊同人傾緊計。。。我哋講咗兩句就收咗線，到我上咗荃灣地鐵，佢再打俾我話唔想響旺角，想返嚟海怡，不過我知道我返到嚟一定有排等，仲會等到發皮氣。。。我唔想20号會搞到唔開心，最後都係去返旺角~出到去我企咗一陣佢都未到，原來佢仲買緊衫，嗰一刻我有啲憫憫哋，因為我真係成日冇食過嘢，加上連做6個客個人真係好攰。。。我行去揾到佢後，佢去埋整耳機，我哋先去食飯，今晚我真係想同佢食好小小，我哋去咗食日本嘢，我餓到成碗飯都食晒，之後仲要食串燒同芋丸！終於都有飽飯食喇😭😭食完嘢我哋行咗一陣，仲買咗兔兔同蛋黃哥。。。不過我都係好小講嘢，我真係好想搞清楚自己其實想點？！

今晚行完就返屋企煮飯喇。。。搞掂晒就等於個人完全冇力💤💤

每夜裡漫長路線 盼十分鐘相見

看著你便無視世間人煙

說著笑一張俏臉 仿似沒有缺點

無能為力寫發展只要目前

流星般閃過 遙不可及的痛楚

如想不起我 我都給你留座

從身邊經過 場地或時候錯

我共你 當中欠了什麼