今日都係返早，又係返到去已經有客，個人超攰。。。幸好今日冇飯食，可以收6點咋！

今晚收工就趕返去阿麻到食飯，不過開始喉嚨痛，我冇乜胃口食嘢，而啲人今晚獨自去偷歡，掉低我一個響屋企做望夫石😭

啲人今晚9點幾先返嚟，但因為我太攰，啲人就上嚟揾我，仲帶埋雪糕俾我！不過我都係冇乜胃口，食唔晒要啲人幫我執手尾🙄😁

今日返早，不過成十一點先有客，所以朝早有一個鐘頭可以 hea ∼之後就忙到點幾先食嘢，然後落街行咗陣先再開工！

今晚有人企定定響我公司樓下接我，真係好😍收工之後我哋就去食嘢，終於都食到南記喇。。。我見到嗰碗酸辣米線已經覺得好興奮，因為我真係想食好耐，啲人話我表情太 over 囉😑食完嘢我哋就去咗 IFC 行，有人請我食 Paul Lafayet Signature Crème brûlée😋😋我專登搶咗過嚟食晒啲焦糖，我想見到啲人同我爭食😂最後啲人話要我餵佢食，其實我知佢想我食多啲，因為佢成日都話我為食，有得食就最開心喎。。。

跟住我又捉咗佢同我行 city super ，我又搞搞震。。。見到啲乜就話要食，當然佢都話買俾我食，但我又點會捨得吖。。。我只係想佢同玩同我笑∼今晚我哋好早就返咗屋企，因為要煮定飯盒俾啲人嘛😘 

今日要返工，返到去又係已經開始做嘢。。。幸好今日唔算太忙！

今日成日個心都十五十六，因為我終於都講辭職，其實我已經開始愛上美容師呢份工，雖然每日都係做同一樣嘢，但每次當做完之後，個客會R番自己，兼且會因為你做得好同信任你，就會幫你買 plan  & product ，的而且確係有一種滿足感！不過依家都仲未知我之後係去定留，一切都要等經理幫我同HR傾至知！

收工之後我就落銅鑼灣接啲人，今晚啲人帶我食大餐，好好味嘅意粉😍好幸福呀！仲同我去食雪糕，又買咗水晶球蛋白餅俾我，搞到我成晚都響到笑，唔係因為佢買嘢俾我，而係佢今晚冇黑面，搭車返到嚟又同我有講有笑，開心就係咁簡單！ 

今日放假。。。爸爸一早叫醒我去飲茶，然後就同我去咗旺角行街∼

爸爸知我鍾意食生果，就帶我去菓欄買士多啤梨同車厘子😍其實我都第一次去菓欄，去到見到全部都係日本生果，我就諗起之前去大阪嘅黑門市場。。。好想快啲去呀！

夜晚啲人同奸夫食埋飯先返，佢返到嚟同我講佢星期日約咗人食飯，我的確有啲唔開心。。。因為計埋星期日佢呢個星期有四晚都同人食飯😞我有少少炸形都應該好正常。。。 

今日開工喇。。。放咗咁多日假再開工真係有啲唔習慣，仲係年初四咁嘅樣∼起初以為新年後會冇咁忙，點知今日都仲係咁多嘢做，做到差唔多8點先搞掂。。。

啲人今晚準時收工，原本啲人話想返屋企先，我嗰一刻好失望，因為我好想同啲人行吓街食吓飯。。。最後佢都係等埋我先，不過就係按住摩咁等我😪我收工之後就行咗陣等佢，我去咗無印買咗啲嘢食想氹吓啲人∼但我哋一路食飯，佢一路都話我，搞到我好唔開心，食完飯嗰一刻我真係有諗過自己走😞😞我陣係想開開心心，簡簡單單。。。