今日放假。。。不過都係瞓得唔好，冇乜點瞓過！今朝就同爸爸去飲茶同買定啲餸~

而啲人今日都一樣放假，佢自己出咗去先，除咗交除仲自己去咗爽吓爽吓添！我三點幾出到去接啲人，啲人就帶我去咗食 out back，食完嘢我哋就行咗一陣同 gogogo ，同啲人去玩就最開心∼

今晚我見佢個樣越嚟越攰，我就嗌返屋企，臨返屋企前就同佢買定湯包同早餐，之後就搭車返去喇！其實我都好想同佢一齊返屋企瞓，不過我想俾佢休息吓，就各自各返屋企。。。低能仔，我好掛住你！

今日返早，又係超忙嘅一日。。。因為今個月係 vip月，公司最少要我追三十萬，其實壓力真係好大，我又開始去返瞓得好差嘅日子！

今日俾同事 training ，因為我本身身體有事嘅關係，主管一早已經交待咗俾同事知我唔可以用電 流機，但最終個同事都係開咗，結果我即時心跳得好快，同開始抖氣好唔舒服！一直維持到收工都係咁…

今晚啲人嚟接我，其實我已經好攰同個心臟好唔舒服，不過一見到佢我即時好開心，仲扮冇事。。。只係想同佢過一個開心嘅週末！食完嘢我哋行咗一陣，我開始抖氣同心臟越嚟越辛苦，但我都想同佢開開心心咁行埋 city's super ，不過見佢越嚟越冇表情，同我哋冇嘢再講，我就返屋企喇。。。或者因為佢好似仲攰過我啦😞返到屋企又嗱嗱臨煮飯俾啲人。。。

聽日放假喇！唔知我哋又係咪會好似今晚咁？我唔想再係咁。。。 

終於都三月喇。。。真真正正可以進入倒數階段喇！仲有17日，我就可以同啲人一齊放大假，足足對足7日，係7日呀😍日對夜對連瞓覺都一齊，諗起都覺得興奮呀😌😌

今朝一早就俾婆婆叫醒去飲茶，飲完茶就去買餸煮餐好嘅俾啲人今晚同聽日帶飯∼好耐都冇真真正正咁煮一餐住家飯俾啲人食，平時煮嘅都係好簡單咁整，今晚就俾個 surprise 啲人啦！今晚啲人好夜返，我等佢等到我心痛😭😭我哋又係見咗好少時間咋∼不過啲人都好滿意今晚嘅晚餐😌

聽日又開始又忙過，因為係公司嘅vip月，亦係追數嘅一個月。。。加上月中開始放大假，所以一定要靠呢兩個星期追晒所有數😪😪又係一個非人嘅生活！ 

 終於都到月尾最後一日，呢幾日追數追得好辛苦。。。幸好最後都過到 target ∼如果唔係都唔知點！

今日經理打電話俾我，佢話比我三月放大假，但唔比我辭職，佢話有睇過我條數，覺得我條數做得靚，希望我會繼續留低響到做，聽到咁其實都好開心，始終我都唔想轉去其他公司做，我好怕要適應新環境同新同事…我寧願繼續響到做！

今晚收工我去接啲人收工，本來我想請啲人食餐好當慶祝，但啲人就幫我慳錢去咗食茶餐廳。。。食完嘢我哋行咗陣就返屋企！

仲有18日我就可以同啲人二人世界，好想快啲去到日本，我好想襯嗰一個星期，同啲人再好好培養番好啲感情，可以再返番以前咁！

 今日又係返早，連踩幾日早其實真係好攰∼加上尋晚又係咁咳，兼且每逢返早，我之前嗰晚都會瞓得特別差，每隔一個鐘都會醒一次，好怕會唔知醒遲到，搞到個人瞓得差好攰😞😞

今晚整定啲嘢等啲人返，啲人好夜先返。。。所以響樓梯食飯。。。。仲有兩個幾星期就可以去日本喇！今晚啲人問我去日本嘅目的係乜？其實我最大嘅目的，係同啲人二人世界，好好放一個長假期！