jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34092 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 12
累積人氣： 34092
RSS Feed
2018 年 5 月 20 日  星期日   晴天
我們的五週年之旅2018"@ 台北 Day4
三日三夜�H行程終於圓滿結束，無錯。。。係（圓滿）……因為呢個短旅程啲人冇黑面，應該話少咗好多黑面！終於都似返啲當初拍拖�H時候∼

今日我整完啲嘢先叫啲人起身，搞掂晒啲嘢我哋就響西門町四圍行∼今日真係好熱，熱到我都飲咗好多杯凍嘢！雖然係熱啲，但估唔到響台北竟然俾我撞到王貽興，真係超興奮。。。我仲同佢影咗張相，但啲人好似呷醋，不過見到佢咁我覺得好sweet！

今晚臨走前啲人要去按摩，而我就餵住蚊等佢！拎埋之前訂�H嘢，我哋就坐車去機場！途中我哋又唔係幾開心，我又喊咗出嚟。。。佢覺得我唔明白佢諗乜，但我發現我根本唔知佢諗乜，因為佢從來都唔會同我講。。。咁我又可以點了解佢？但我知佢係愛我，因為就算佢幾攰都好，今晚佢都拎晒啲行李，唔想我辛苦！

低能仔，五週年快樂！希望我哋仲有好多個五週年。。。 


分類: 我們的五週年甜蜜之旅...
 [ 訪客留言(0) ] [ 編輯日誌 ]

2018 年 5 月 19 日  星期六   晴天
我們的五週年之旅2018"@ 台北 Day3
今朝較咗鬧鐘9點幾起身，諗住去九份，不過啲人煲劇煲到今朝先瞓，我唯有俾佢繼續瞓。。。佢一瞓就瞓到成十二點幾！聽晚就要走喇！我真係好唔捨得要返香港∼因為呢幾曰我哋都過得好開心，好簡單！好耐都冇試過咁。。。我真係好享受∼

今日我哋響西門町食完嘢同買完爸爸�H嘢，我哋就去台北車站∼夾公仔夾到癲，兼且行街行到腳軟∼夜晚玩完又返西門町玩過！今晚我終於都飲咗苦瓜汁，好好味呀。。。但試唔到臭豆腐∼聽日一定要飲多次！ 


分類: 我們的五週年甜蜜之旅...
 [ 訪客留言(0) ] [ 編輯日誌 ]

2018 年 5 月 18 日  星期五   晴天
我們的五週年之旅2018"@ 台北 Day2
尋晚好夜先瞓。。。因為返到酒店搞埋啲嘢都成三點，今朝成十一點先起身，而啲人都係唔願醒，我就俾佢瞓到十二點！

其實今日我哋都係 hea，始終今次旅行�H主題係 hea遊吖嘛！我哋下晝陣係響西門町，不過買咗好多嘢。。。係幫人買咗好多嘢，而我自己就買咗兩盒 Lego ，仲有小丸子！啲人都買咗好多小丸子俾我∼

話明 hea遊，所以我哋冇特別 plan 去邊，行到邊夾到邊！今次我哋都係咁夾公仔，佢有句嘢都講得幾啱，佢話夾公仔可以令佢減壓，其實我發現我玩�H時候，都可以真係 relax 咗，冇咗返工�H壓力！

今晚我哋去咗忠孝敦路食燒肉同海鮮，啲人食得好多，我亦食咗好多，好開心呀！食完嘢我哋行咗陣就返西門町，不過我仲未飲白苦瓜汁嚟清腸胃呀。。。

今日我哋都笑住過，希望聽日、後日都可以！ 


分類: 我們的五週年甜蜜之旅...
 [ 訪客留言(0) ] [ 編輯日誌 ]

2018 年 5 月 17 日  星期四   晴天
我們的五週年之旅2018"@ 台北 Day1
連續踩七日真係好攰。。。今日仲要返早，個人攰上加攰！幸好今晚收工之後就同啲人開始我哋�H五週年之旅2018“@台北！

今晚收工之後，我就趕去香港站等啲人！我響 Starbucks 嘆咗杯朱古力星冰樂，心情即時好好∼打埋電話俾爸爸，啲人就差唔多到！

其實我好期待今次去台灣，因為我想同啲人過返以前好開心�H日子，記得第一次去台北後，啲人返到香港會不停話好想見到我，仲會爭取時間嚟見我，攬到好實∼嗰種感覺真係好sweet！唔知有冇機會返番去以前呢？

今次我哋住新樂町，呢到都唔污糟，而且感覺都舒服。。。加上我一早租咗車響機場接我哋，我估啲人都應該冇咁辛苦！希望嚟緊呢幾日可以開開心心啦。。。 


分類: 我們的五週年甜蜜之旅...
 [ 訪客留言(0) ] [ 編輯日誌 ]

2018 年 5 月 15 日  星期二   晴天
小丸子又有心事
今日返1230，經過尋日瞓到十一點之後，我好驚又唔知醒，結果每隔一個鐘就醒一次，成個人都散晒！今日返工前就買到小丸子，好開心呀。。。最後成日都心情好靚∼好想第一時間俾啲人睇。。。

收工之後，我就去接啲人收工，我哋食完嘢之後，就去咗搞埋去台灣啲嘢！跟住就帶我去7-11買蛋黃哥，原本係買小丸子，不過我覺得我已經有一個差唔多，所以就冇買，但有蛋黃哥我已經好開心，因為真係好靚😍

後晚就去台灣喇！我好想同啲人開開心心咁過我哋�H五週年。。。 


分類: 我們的生活點滴
 [ 訪客留言(0) ] [ 編輯日誌 ]


« | 40 | 41 | 42 | 43 | 44 | 45 | 46 | 47 | 48 | 49 | ... | 384 | »