一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34096

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 16

累積人氣： 34096

2018 年 7 月 27 日星期五


	孤獨

今日係第四日嘅病假，食咗啲藥有啲暈、有啲吽，而且隻右手依然好痛。。。其實呢幾日我真係堅悶，好似個癈人咁，仲要有兩日冇見過啲人，好掛住佢！

今日爸爸好早就收工，見我響屋企咁多日，咁啱又冇飯食，佢就帶我落海怡食飯，不過我冇乜胃口～食完嘢爸爸同我行咗陣商場，兼且買咗砵仔糕俾我送藥，好好味！而家姐除咗尋晚帶我睇黃子华同食聰嫂甜品外，今晚仲買蟹柳同魷魚俾我食！但我都係冇乜胃口。。。將啲嘢放咗響到！

今晚都係見唔到啲人，有啲唔開心。。。唔知點解自從隻手整親之後，我好想嗲佢，特別當隻手好痛嘅時候！不過就算有冇見面都好，我連嗲佢嘅機會都冇！唉。。。我覺得有啲孤獨～

分類: 我們的生活點滴

[ 訪客留言(0) ] [ 編輯日誌 ]

2018 年 7 月 26 日星期四


	受傷的日子

自從整親隻手之後，心情唔係太好！或者有人會覺得可以放假唔係一件好事咩？但其實唔係架～因為響屋企好悶，仲要整親嗰隻係右手，好唔方便。。。好多嘢想整都整唔到！加上作為一個美容師雙手真係好重要，只要有任何損傷，都好難幫客做 facial ～

呢幾日啲人心情都好差，對我除咗黑口黑面之外，仲要好似唔多鍾意我咁，做乜都唔鍾意～我覺得好唔舒服。。。尋晚又係咁，我起初都笑住慢慢氹，但之後我忍唔住發咗皮氣～我真係唔知可以做啲乜，我適應唔到。。。我好想知究竟發生咩事？係我哋之間多咗啲嘢？抑或少咗啲嘢？

今晚我同家姐去咗睇黃子華，其實我最想同啲人一齊睇，不過啲人唔肯去😭今晚我冇乜心機睇，除咗佢唔響我隔離之外，我覺得我好似好難揾到佢！究竟發生啲咩事？究竟想點？其實我整親隻手，我心情都好差。。。

分類: 我們的生活點滴

[ 訪客留言(0) ] [ 編輯日誌 ]

2018 年 7 月 22 日星期日


	受傷了。。。

唉。。。三日假期又結束喇！聽日又要開始地獄生涯～我好想同啲人一直放假放落去，我好想每朝起身第一個見到佢，每晚瞓前都見到佢。。。。

今朝同爸爸飲完茶，就去睇醫生，因為隻右耳依然好痛！醫生話係中耳炎。。。開咗啲藥同耳水俾我，希望可以快啲好啦！晏晝就同啲人食咗個超好食嘅下午茶，然後就去書展喇！今年我冇去揾一期一會嗰個人，我口嗰句係因為上次台灣嗰件事，但其實係我知啲人會呷醋，加上一期一會嗰個人唔係我嘅終生伴侶，我更加唔會因為佢而令啲人呷醋嘛！

去到書展其實我最想揾到大大與小妹嗰本書，每一次見到小妹畫嘅嘢，我都覺得好舒服，同好有感覺～啲人知我鍾意就買俾我！小妹出嗰三本書同公仔，都係啲人買嚟氹我開心～我真係覺得我哋已經係對方心目中嘅大大與小妹！

買完大大與小妹，我哋就去睇文具！我最鍾意就睇筆、簿、手工同精品🤣啲人話兒童嘅嘢就最啱我！其實我睇中咗一套蛋黃哥嘅筆，不過要108，我唔捨得買！我冇話俾啲人知，我知道佢一定會買。。。行到咁上下見到啲人鍾意嗰隻小白熊，又有兔兔與p助，我就買咗俾啲人，雖然隻小白熊有啲貴，但只要佢鍾意就值得啦！

夜晚我哋落咗旺角，原本都好開心！不過啲人買唔到耳機又發皮氣，一係就自己行，一係就拖住我行得好快。。。結果撞到我隻手瘀晒！我嗰一刻冇出聲，有佢繼續發皮氣～直到佢心情平伏落嚟先俾佢睇，佢即刻同我講對唔住，但我冇嬲過佢，只係想佢知，佢唔係一個人，佢身邊仲有我，仲有一個人陪佢行一世架！

分類: 我們的生活點滴

[ 訪客留言(0) ] [ 編輯日誌 ]

2018 年 7 月 21 日星期六


	我們的甜蜜之旅@澳門2018" day 2

兩日一夜嘅旅程真係眨吓眼就冇咗。。。尋晚不知不覺咁瞓咗，我發現只要有佢響身邊，我就瞓得特別好（除咗佢瞓到打風嘅時候）一覺瞓到天光，只係半夜凍醒咗時，隱約 feel 到佢幫我蓋被，嗰一刻我又碌過佢到攬實佢瞓！

今日成十二點先起身，一醒咗就見到有個傻豬瞓得好冧。。。我就嗱嗱臨搞掂啲嘢先叫啲人起身～ check out 之後就開始我哋餘下嘅旅程！

今日好熱呀！我哋兩個都冇因為熱而發皮氣或者黑面，仲笑住咁對住對方！我哋食咗一餐好好味嘅午餐之後，就去咗葡京買曲奇，啲人仲幫我拎添！跟住又去玩老虎機，又輸錢喇😭😭😭但同啲人都玩得開心就冇計啦！幸好我哋兩個都有節制能力，冇話因為輸錢而諗住追番咋。。。。行多一陣，我哋就去碼頭喇！

返到香港同啲人食埋飯，我哋又去咗 gogogo。。。真係巧開心呀！加上啲人又氹我，放咗我張相上網，又肯同我響 Facebook 講笑！所以返到屋企，我都係笑住煮飯俾佢！講真一句，我的確好想即刻嫁俾你！

分類: 我們的甜蜜之旅2018"...

[ 訪客留言(0) ] [ 編輯日誌 ]

2018 年 7 月 20 日星期五


	我們的62個月

我們的甜蜜之旅@澳門2018" day 1

眨吓眼又到咗兩日一夜嘅 short trip 喇！今次我哋去咗澳門。。。其實可以同啲人日對夜對係我最開心嘅時候！因為響香港就算可以每日見，都唔可以連瞓覺都響埋一齊，所以我真係好享受呢啲得來不易嘅二人世界～

今日一早我哋就出發去澳門，不過響地鐵時，之前整親嘅耳仔突然痛得好緊要，有人話我耳仔原來腫曬！去到信德中心，我就配定啲藥，因為我好驚會影響呢個甜蜜之旅！

去到酒店我已經好期待，因為我哋住威尼斯人酒店！一間我好想同啲人住一次嘅酒店，雖然攞房時發生咗啲小意外，但一上到房我已經嘩咗一聲，因為真係又大又靚😍張床大到可以瞓4個人，好爽呀！

擺低啲嘢之後我哋行咗去官也街食飯，食咗一餐好好味嘅葡國菜，我見到啲人開心我就會開心架！之後我哋食咗好多嘢，仲食咗一杯飲食男女介紹嘅雪糕，但我一望到杯雪糕，唔止想講圖片與事實不付外，仲想講粗口添。。。我咁鍾意食雪糕，都望住杯雪糕嫌棄，仲要食咗一半就想掉😭😭😭杯雪糕好貴架。。。要成40蚊架！

夜晚我哋又去番晏晝食嗰間到食晚餐，有人叫牛扒俾我食，又叫牛舌喎！好好味呀😍😍😍啲人仲要砌埋餵我。。。不過當然又有小插曲，食完嘢之後我一直都冇出聲，我覺得佢成日都話我嫌棄我，我覺得唔開心。。。原本一直忍住，直到佢叫我嗰一刻，我爆喊咗出嚟！我唔想有被嫌棄嘅感覺，我只係想有被愛、被需要嘅感覺！之後啲人就帶我去玩老虎機，不過輸錢呀。。。。😣😣好心痛！

今晚有人買咗隻 triangle 俾我，係我想擁有嗰隻 triangle 嚟，有人話triangle係緣份公仔嚟，會守護住每個人之間嘅感情，我好希triangle真係會守護住我同佢嘅感情直到永遠！

分類: 我們的甜蜜之旅2018"...

[ 訪客留言(0) ] [ 編輯日誌 ]

« | 30 | 31 | 32 | 33 | 34 | 35 | 36 | 37 | 38 | 39 | ... | 384 | »