今日係最後一日假期喇！我好唔捨得，因為我又要等好耐先可以痴住啲人，早知我唔揀月中去澳門啦，補多啲錢同啲人飛台灣，咁就可以對住啲人耐啲，可以日對夜對我就最開心！其實我明白姑姐點解會揀其他日放假，因為只要你真係好愛嗰個人，你就會想同佢一齊放假，唔使話要去街，只要一齊就滿足！我知我真係好愛低能仔，愛佢愛到無時無刻都會掛住佢，雖然佢會失驚無神黑口黑面，甚至發皮氣，呢啲都會令我唔開心，但我依然都好想痴住佢，因為佢俾我�H開心，係冇另一個人可以俾到我架！
尋晚我又係瞓唔到，到今朝先瞓。。。瞓咗一陣爸爸就叫醒我，佢知我冇瞓想我瞓多陣，不過我好想陪爸爸食嘢，同買餸煮飯盒俾啲人，所以我起身出去！不過突然又落大雨，我買完嘢返到去已經淋到濕晒喇！但我冇理到，照煮咗飯先，我唔想遲咗同啲人出街∼
今日我專登扮靚啲同啲人出街，我想佢見到我會覺得靚，因為每晚收工佢見到我都係好殘，同個妝都已經溶晒，所以我更加想同佢去街時會靚啲，等佢有新鮮感∼
有人今日�H任務係令我開心，佢真係做到。。。佢仲請我食好西，四圍去！夜晚我本來想請返佢打邊爐，啲人唔俾我請，佢堅持俾錢，角色調轉咗🤣但我知佢心痛架！不過我真係好開心。。。低能仔，嚟緊呢幾日到星期日，我請返你啦！但唔好食咁貴喎。。。
低能仔，我好想話你知，其實每一次被你攬實，聞到屬於你�H氣味，我都會覺得好實在，好放鬆！我想一世都可以繼續俾你寵我∼講個秘密你知，其實我成日幻想你會點同我求婚架。。。
分類: 我們的生活點滴 |
