一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34140

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 11

累積人氣： 34140

2018 年 8 月 31 日星期五


	耿耿於懷

尋晚瞓得好差好差，一路瞓一路流眼淚，我明明聽到wtsp響，我亦知嗰個係低能仔，不過我選擇咗冇覆佢。。。

今日醒咗返工，見到電話有msg，但嗰個係佢而唔係低能仔，唔知點解我冇咗種衝動去揾低能仔，今日成日我都冇乜點揾過佢，我唔知係咪因為尋晚嗰句說話，但的而且確呢句說話令我耿耿於懷，亦令我卻步！

今晚收工之後，我過咗去等佢，我哋都係食完嘢就返去，我個人好攰，真係好攰喇！我陣係好想好好瞓一覺～

分類: 我們的生活點滴

[ 訪客留言(0) ] [ 編輯日誌 ]

2018 年 8 月 30 日星期四


	回到過去

今日心情有啲麻麻哋，因為。。。

今日收到一個好耐都冇揾過我嘅人嘅whatsapp，個whatsapp裡面仲有一首“回到過去”嘅歌詞，兼且我終於都知隻手鐲係邊個送喇！其實睇完佢嘅 whatsapp之後，我一直響到諗人係咪要到真正失去先會珍惜？分咗手之後識返番轉頭先叫真愛呢？無可否認我的確有諗番起當初嘅一切，畢竟都拍咗拖十年！

收工之後我過咗去接啲人，我哋食完飯就返去喇！我一直都冇乜出過聲，個腦不停重覆嗰首歌，同時亦諗起最近同低能仔嘅一切！究竟我想點？

分類: 我們的生活點滴

[ 訪客留言(0) ] [ 編輯日誌 ]

2018 年 8 月 29 日星期三


	唔實在。。。

今日返一點。。。瞓到十一點先起身！今朝醒咗之後覺得勁暈，周身都好痛，我知一定係尋日淋雨之後更唔舒服！

返到公司過咗 spa接一個客之後，就返番公司繼續開工，其實個人好攰，但令自己好過啲，就只有一路做，一路諗住低能仔，咁樣時間會過得快啲～

收工之後就過銅鑼灣接啲人，有人帶我去食嘢～食完嘢買埋藥同沐浴露我哋就返去！今晚響車我除咗幫佢按摩之外，我仲攬得佢好實叫佢唔好掉我！或者因為我見到佢哋對話，我又覺得好唔實在。。。

分類: 我們的生活點滴

[ 訪客留言(0) ] [ 編輯日誌 ]

2018 年 8 月 28 日星期二


	終於放假喇。。。

今日終於放假，好攰好攰。。。不過瞓得唔好，8點幾就醒咗，同啲人 whatsapp咗一陣，我就再瞓番！

瞓到十二點幾就醒咗，超大雨。。。仲要黃色暴雨😓😓但因為要買餸煮俾啲人之後幾日，唯有堅持出去，買埋餸返到嚟已經濕晒喇！今晚煮晒啲人鍾意食嘅嘢，仲炒咗個五香肉丁炒飯俾佢，唔知留得住佢個人，有冇留得住佢個胃呢？

啲人今晚本來話早返，但最後佢都係夜返。。。其實我有少少唔開心！可能係因為我有啲唔舒服，好想佢響屋企陪住我～不過我哋今晚見得好小時間。。。好想好想可以癡住佢耐啲～

分類: 我們的生活點滴

[ 訪客留言(0) ] [ 編輯日誌 ]

2018 年 8 月 27 日星期一


	放假喇。。。

今日都係返早，一返到去就要做個 body，兼且仲要做埋個 facial ，一做就做咗3個幾鐘，個人勁攰，一路做一路恰眼瞓～幸好返埋今日就休息！

今日特登唔食飯，收早一個鐘，因為我想早啲返去買餸，假如收七點嘅話，我就買唔到西蘭花煮俾啲人聽日食！返到屋企已經散晒，咁啱媽咪霸住個廚房，我就嗱嗱臨沖涼洗頭，然後先煮飯～

啲人收工就返嚟，仲等埋我先一齊返屋企，有人今晚好好，幫我按肩頸，又攬住我瞓咗一陣，嗰一刻我真係好想一直攬住佢瞓唔想走～如果每一晚都可以攬住佢瞓到天光就好喇！每晚臨瞓前有佢錫一啖，醒咗又可以俾佢錫一啖先返工，咁就圓滿喇！

分類: 我們的生活點滴

[ 訪客留言(0) ] [ 編輯日誌 ]

« | 23 | 24 | 25 | 26 | 27 | 28 | 29 | 30 | 31 | 32 | ... | 384 | »