一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34109

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 29

累積人氣： 34109

2018 年 9 月 10 日星期一


	星洲炒米

終於都休息喇。。。仲以為可以瞓晏啲，點知成晚個頭痛到癲，食極藥都唔得～今朝一早就痛醒咗，唉！！！

雖然個頭好痛，但我都有出去買餸，好想好想可以煮一餐啲人想食好耐嘅嘢！因為啲人話好想我煮星洲炒米，但我一直都好攰所以冇煮，既然都係攰，照煮俾啲人啦！

原來星洲炒米唔係一件容易嘅事，又要煎蛋切絲，其他配料乜都要切絲。。。而且米粉炒嘅時候又要好用力，煮完都一身汗！搞掂完個米粉仲要整埋啲人嘅飯盒，跟住煮埋今晚屋企餐飯，成個人散晒～個頭仍然繼續痛緊!

啲人今晚返嚟陪我，不過佢唔係好鍾意個星洲炒米，佢話冇乜味，仲話每日食嘅一定會瘦😣聽到有少少失望，因為我好俾心機煮俾佢架！我諗住少油少鹽會健康啲嘛。。。。

啲人仲係傷風，我好想佢食粒藥，但佢死都唔肯，我好擔心佢，亦唔想佢唔舒服。。。低能仔，你聽話啦好冇？

分類: 我們的生活點滴

[ 訪客留言(0) ] [ 編輯日誌 ]

2018 年 9 月 9 日星期日


	韓燒。。。

終於都星期日喇！返埋今日就可以放假，而且夜晚有人話嚟接我帶我去街～今日本來收7點，不過5點個客 cancel 咗，咁今朝十點又有一個 R客嚟咗，一做就做到5點，咁我就同主管講唔 lunch ，收早一個鐘～

今晚啲人帶我食韓燒～比起我上次請佢，今次更貴，因為啲人知我未食嘢，就唔等9點後平啲，早啲同我食～今晚我都係坐響到等食，啲人就負責燒。。。真係慘，又要俾錢又要整俾我食！

食完嘢啲人帶我去玩，我哋只係玩咗＄100就走喇！跟住陪啲人買衫同嘢食～今晚其實好開心，佢陪住我都係笑住，兼且仲同我多嘢講咗，又會玩玩吓抱起我～我鍾意咁樣，好似當初拍拖嘅時候咁！

搭車返去時，有人終於都俾咗上次幫人影嗰啲相我睇，其實我一早已經睇過段片，兼且一早已經知道，我只係等緊佢對我坦白嘅一日，由上年到依家差唔多等咗一年。。。低能仔，其實好多嘢我都知，只係我冇出聲咋！

分類: 我們的生活點滴

[ 訪客留言(0) ] [ 編輯日誌 ]

2018 年 9 月 8 日星期六


	謊言

終於都星期六喇。。。捱埋聽日就可以放假～我真係好攰喇！

今日啲人whatsapp我話下星期六晚要去影相，但就冇講去邊到影同埋同邊個影。。。最後佢坦白講晒之後，我都覺得個機會其實幾難得，當然我都覺得係應該要去嘅！講真有時坦白講出嚟，我覺得總好過呃我，因為每次當我知道佢講大話之後，我都會對佢小咗份信任，日子耐咗信任越嚟越少，慢慢就變到死心甚至可有可無～我真係唔想咁！

今晚我哋去咗銅鑼灣，雖然我如常扮到好開心，但其實呢一個星期我都心不在焉，只係佢冇發覺到！因為有啲嘢我放咗響心到，我真係好想問清楚，原本我係諗住今晚同佢去中環碼頭行吓，兼且同佢坐低好好傾吓！不過啲人遲到又約響銅鑼灣，所以呢一切都唔成事～但點都估唔到，最後竟然係響sogo門口喊住傾！！！！

佢怨我嗰件事上唔信佢，其實我一直唔同其他人提起嗰件事，就係唔想有人質疑我！我知道同任何一個人講佢哋都會叫我唔好信，所以我更加想係我同佢兩個坐低好好傾吓，亦都想搞清楚我嘅疑慮。。。坦白講要去相信佢嘅理由，我呢個星期只係逼自己去信！但我已經個心好攰，我要知道我之後仲係咪可以同呢個人一齊到老，我唯一可以做就係問清楚，始終上星期日我根本一啲都唔冷靜，好多嘢都令我好亂！不過我冇諗過最後係響咁嘅環境傾😭啲人嘅答案同上次一樣，佢亦話會俾番多一啲信心我，我真係想我哋之間再冇任謊言響到！

分類: 我們的生活點滴

[ 訪客留言(0) ] [ 編輯日誌 ]

2018 年 9 月 7 日星期五


	重新開始

今日又係繁忙嘅一日，好攰好攰。。。我陣係好想放假！

響呢到返工識咗個客好好，我同佢乜都會傾一餐，有嘢食又會一齊 share ，久而久之我哋變咗朋友咁～今日佢嚟揾我做 facial ，佢問我做乜好似有心事咁？因為佢覺得我嘅笑容已經同以前唔同，係好勉強自己笑出嚟。。。我一直以為自己已經笑得好似以前咁～

其實呢幾日我都好攰，我同低能仔之間嘅事，我冇同任何人提起過，呢個星期每次有人問起我做乜好似唔同咗，我都只係話攰～有時有啲嘢收埋響個心到真係好辛苦，我想同人傾，但我唔夠膽，因為我怕其他人會令我動搖，令我再一次質疑自己嘅睇法，或者因為有啲嘢我只係逼自己去信佢！對住低能仔我好努力做到以前咁，我好努力去笑，好努力咁去相信佢，我只係希望一切都會變番以前咁，無非因為我真係好愛佢！不過時間耐咗個人真係會好攰～我真係好想好想一切都重新開始。。。

分類: 我們的生活點滴

[ 訪客留言(0) ] [ 編輯日誌 ]

2018 年 9 月 6 日星期四


	愛你是我一生的理想

尋晚瞓得好差，5點幾發惡夢到醒咗，醒咗係咁喊，心跳又好快兼且拳頭又揸到好實～好驚呀！我驚到即時 whatsapp低能仔叫佢唔好掉低我，雖然我明知佢已經瞓咗覺，但我都好想同佢講我心裡面嘅說話！

發完呢個夢之後，我知道自己愛佢嘅程度比我想像中遠遠多好多好多倍。。。我唔可以更唔想冇咗佢～我好需要佢！雖然早幾日發生嘅嘢仍然響我心裡面，我仍然好驚佢有另一個，但我已經唔夠膽諗～我只係想響佢願意為我改變嘅同時，我都可以做番以前咁～加上啲人話出年同我結婚，既然佢都肯因為想令我有安全感而同我結婚，咁都証明咗佢係愛我先會咁～

我其實希望呢件事之後，我同佢之間嘅感情可以更勝從前。。。我哋都會更珍惜對方，一直可以拖住手到老！希望以後我哋都無風無浪咁一直行落去啦～😘

分類: 我們的生活點滴

[ 訪客留言(0) ] [ 編輯日誌 ]

« | 21 | 22 | 23 | 24 | 25 | 26 | 27 | 28 | 29 | 30 | ... | 384 | »