jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34083 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 3
累積人氣： 34083
RSS Feed
2018 年 9 月 25 日  星期二   晴天
追月

 終於可以同啲人一齊放假喇！尋晚佢好早就瞓咗，而我今日就好早就起咗身∼陪爸爸飲完茶，我買埋啲餸，就返去等啲人！


啲人足足瞓咗12個鐘先醒，佢搞掂晒啲嘢就上嚟接我，見到佢我好開心，因為好耐冇一齊放假！只不過。。。

其實起初都好好哋，但唔知點解佢突然變番嗰個冷莫�H佢，每一次當佢行開完之後，都會變成咁，不論係去交收後，還是洗手間之後，佢都係咁！我唯有關心問佢做乜？佢話突然覺得人生唔知做乜生存？好似冇人生目標同減唔到肥咁！響地鐵當我氹完佢佢都係咁之後，我就冇再講嘢，而佢亦都冇理我。。。直到去到深水埗佢問我做乜？我只能答等佢慢慢諗佢�H人生目標。。。其實有時太悲觀，對自己同身邊�H人都唔係一件好事∼因為我有啲抖唔到氣喇！

佢見到我咁之後，佢又變番一個開心�H佢，但我唔係要逼佢扮開心，我只係想自己唔係後備，我只係想同佢開開心心過一日！今日基本上陪佢行吓、食吓嘢、玩吓，影吓相，我已經心滿意足，始終平時我好少可以陪到佢放假，所以只要可以留響佢身邊，就已經覺得好足夠！

低能仔，無論你遇到咩事都好，只要我仲係你�H唯一，我都會繼續響你身邊陪住你，十卜你，做你�H樹洞架！

分類: 我們的生活點滴
 [ 訪客留言(0) ] [ 編輯日誌 ]

2018 年 9 月 24 日  星期一   晴天
我們的第六個中秋

 今日中秋節喇！係我其中一個最鍾意�H節日，因為代表住人月倆團圓，我最想係同啲人人月倆團圓咁一生一世！


今晚同阿麻佢哋食中秋飯，我當然好想啲人一齊嚟，但我冇逼佢，只係同佢講如果趕得切，就一齊返嚟食飯∼最後啲人真係趕返嚟陪我食，我梗係開心到傻啦！

其實每一次當佢陪住我同屋企人食飯時，我都會特別開心，從未試過有個人會令我咁，更唔會話想帶返去食飯！唔係因為低能仔好靚仔先帶返去俾人睇，而係我認定咗呢個人，好想去邊都有佢陪住我！

今晚食飯食得好開心，食完嘢我同啲人走先，原本想去食甜品，不過要等太耐，我見啲人又攰，所以就冇食，我哋就返屋企。。。希望佢今晚可以好好抖吓啦！

分類: 我們的生活點滴
 [ 訪客留言(0) ] [ 編輯日誌 ]

2018 年 9 月 23 日  星期日   晴天
迎月

 今日係迎月。。。亦係要返工�H一日！尋晚又係瞓得好差好差，幸好捱埋今日就可以抖兩日，仲要星期二同啲人一齊放假添！返到公司又係non stop 咁做，坦白講經常都係咁，個人真係好攰好攰∼


今晚啲人去咗佢奶媽到食飯，平時我應該會返屋企，但今晚我好想去行吓，做番一個唔為其他人而生活�H自己！收工出到銅鑼灣行咗陣，一直響到諗究竟有啲乜我係好想做？結果我去咗剪頭髮，剪完之後覺得好似輕咗，但我唔知嗰種輕係剪完頭髮，定還是個心輕咗？

雖然話係想做一晚唔為其他人而生活�H自己，但我又唔經唔覺行咗去 muji買嘢食俾啲人，唉。。。睇嚟我都仲係咁！啲人食完飯就出嚟揾我，不過今晚到我冇乜講嘢∼曾經有人話過，只要好留意一個人，當佢有少少唔同咗，你都會好容易發現，但佢好似冇發現到我剪咗頭髮∼直到佢問我去咗邊佢先知道！

聽晚就係中秋節喇！我哋第六個一齊過�H中秋，不過啲人應該要ot，唔可以返嚟陪我去食飯，但唔緊要啦，我出去接佢都一樣！希望我哋真係可以人月兩團圓！

分類: 我們的生活點滴
 [ 訪客留言(0) ] [ 編輯日誌 ]

2018 年 9 月 22 日  星期六   晴天
突如其來

 唉。。每次返早之前嗰晚一定瞓得好差，唔係失眠，就係每隔一個鐘醒一次∼個人真係就快癲！


今日都係冇 lunch，我以為啲人今晚去佢奶媽到做節，所以我諗住自己揾節目，點知佢下晝�H時候話唔過去，因為唔捨得掉低我。。。聽到真係好開心�H！

收工之後我去咗旺角揾佢，啲人今晚對我特別好，我特別開心！雖然我真係好攰，但有佢響身邊我就滿足，不過我因為太眼瞓，所以食多咗2支煙！臨返去前，啲人去買嘢，我企響門口等，食完煙見佢出嚟望住我已經黑口黑面，我知佢係唔鍾意，但我真係好攰，就好似佢攰�H時候會禁電話一樣！

之後我哋都再冇講嘢，一分鐘前仲好開心，但一分鐘後突然變得好冷漠，其實真係適應唔到。。。我只好繼續唔出聲∼響車我攰到不停流眼水，佢以為我喊，我話俾佢知唔係但佢又信，佢開始變得唔耐煩，我嗰刻除咗無奈，仲開始有啲想發皮氣😓因為我真係唔知點好？每次面對佢突如其來�H情緒，我都會覺得自己嗰一刻好似有啲精神分裂！

分類: 我們的生活點滴
 [ 訪客留言(0) ] [ 編輯日誌 ]

2018 年 9 月 21 日  星期五   晴天
關於寂寞

 今日終於都星期五喇！捱多兩日就可以連放兩日假。。。


今日返十二點，原本連飯都冇得食，幸好第一個客做得小啲，先可以有個時間落去食飯，如果唔係又要等到收工先有飯食！

收工之後我就趕過去接啲人，等咗成大半個鐘都見啲人冇覆我，我就再whatsapp佢，不過我今次啲語氣變咗，我想等啲人感覺好一啲∼等到十點啲人就落嚟，但佢趕住去交收，我就等埋佢搞掂先去食飯！其實我已經又餓又攰∼

今晚啲人同我講佢聽晚要返奶媽到食飯，我有少少失望，因為我事先唔知道，我就同主管講我聽日唔食飯收6點。。。不過唔緊要啦！我最多自己返屋企先∼食完嘢啲人去入完錢就開始唔出聲，我只好跟住佢尾行，去到巴士站佢突然又話要返公司，我就更無奈！算啦。。。做嘢要緊！

寂寞就像是一種病毒
當你發現自己感染時，
你會拼命找方法去解決
但當你愈用力，
相反好像跟它愈扣緊。
慢慢你以為你自己已習慣了它
事實是它已蠶食了本身的你。

分類: 我們的生活點滴
 [ 訪客留言(0) ] [ 編輯日誌 ]


« | 18 | 19 | 20 | 21 | 22 | 23 | 24 | 25 | 26 | 27 | ... | 384 | »