jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34150 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 21
累積人氣： 34150
RSS Feed
2018 年 10 月 18 日  星期四   晴天
休克

 今朝一起身就好唔舒服，係咁出汗兼且睇嘢突然黑咗一陣，諗住抖一陣就會冇事可以返工，點知之後都係咁∼其實嗰一刻好驚，因為好辛苦。。。最後我請咗病假！


休息多一陣就去咗睇林德华，佢話我上呼吸道感染，加上好燒同唔舒服，所以出現休克！打咗支針我就返屋企食完藥就瞓∼瞓咗成日個人都係好攰同好唔舒服……仲要冇晒胃口！

啲人今晚好早收工，不過我哋冇見過！因為我唔想傳染佢，唯有叫佢返屋企休息吓。。。不過佢今日知我病，其實都比起之前關心我多咗，我已經覺得好開心喇！

分類: 我們的生活點滴
 [ 訪客留言(0) ] [ 編輯日誌 ]

2018 年 10 月 17 日  星期三   晴天
重陽節

 今日係重陽節，特登星期一唔放，拎咗今日放假，因為我好想同啲人一齊放假！


今朝冇陪爸爸飲茶，因為個人真係好攰∼我就一直瞓瞓到十二點幾，好耐冇瞓得咁耐喇！醒咗之後，爸爸已經買咗腸粉俾我食∼真係幸福呀！

晏晝去咗旺角等啲人，啲人兩點幾 whatsapp 我，話佢去到太子，因為我哋約咗230，我以為佢話差唔多到，所以我到咗旺角就打俾佢！點知聽到佢語氣，我先知原來佢係出緊觀塘，而唔係就到旺角，嗰一刻我有少少無奈，因為佢冇講清楚，我先誤會咗∼好驚因為咁而搞到今日會唔開心！幸好乜事都冇。。。

今日啲人揀咗佢�H生日禮物喇！就係眼鏡一副∼其實佢自己揀禮物仲好，起碼我唔驚買錯，加上可以咁樣同佢一齊揀都好開心！買完生日禮物，我哋四圍行，有人真係改變咗，冇成日拎住部電話，兼且仲真係用心陪我行吓。。。雖然佢都有要四圍交收，但佢肯咁改變，我都要就吓佢�H∼我想我哋咁為大家改變一吓，希望對感情都可以好啲！

夜晚有人帶我食大阪燒，雖然唔係我想食嗰間，但都好好味∼因為有佢笑住陪我食嘛！咁樣拍拖先係最開心！

28号我想陪啲人去澳門。。。不如我唔去食飯啦！因為佢都唔去。。。

分類: 我們的生活點滴
 [ 訪客留言(0) ] [ 編輯日誌 ]

2018 年 10 月 16 日  星期二   晴天
地鐵大故障

 今日返早，但無奈地遇著地鐵大故障！搞到我遇上人生第一次遲到。。。。


尋晚同啲人傾完之後，明顯地啲人由尋晚到今日都揾多咗我，感覺實在咗好多∼其實我要�H安全感同存在感就係咁！

今晚收工我就趕返去煮飯，諗住等啲人可以返嚟食，加上爸爸又煮咗蟹同買咗壽司俾我食，所以我就響屋企等啲人返！不過唔知係咪食咗蟹，我隻右手隔咗一陣就開始痛得好緊要……但幸好我仲煮得晒佢�H飯盒，如果唔係佢又冇得食架喇！

今晚啲人好夜先收工，我哋都冇見過！我好掛住佢∼好想快啲到聽日見到佢！好想開開心心同佢去玩∼

分類: 我們的生活點滴
 [ 訪客留言(0) ] [ 編輯日誌 ]

2018 年 10 月 15 日  星期一   晴天
修煉愛情。。。

 尋晚冇乜點瞓過，今日成個人都好攰好攰。。。仲好唔舒服，搞到個人冇乜心機∼


尋晚睇完佢嗰篇嘢，我諗咗好多嘢！我的確好愛佢、好想同佢一生一世∼其實我唔願意冇咗佢。。。但我真係唔知應該點算！

今日返工我冇乜點揾佢，而佢亦一樣冇乜點揾過我！我只係話有乜都留番今晚收工先解決。。。其實我係好想大家都知自己仲會唔會掛住對方？佢見到個飯盒時，又會唔會諗起我？

今晚收工之後，我過咗香港仔揾啲人∼佢一見到我就攬實我。。。食完嘢我哋終於傾我哋�H問題∼佢講�H壓力、可有可無、甚至其他人�H認同，我全部都明白！呢一切一樣響我身上出現∼又或者應該話“一步一生”正正係我�H感覺，所以我點會唔明佢感受？不過明還明，有時都想佢會顧及返我∼會理解我�H感受！而我亦講咗好多自己�H感覺出嚟。。。有時佢希望得到更多人�H認同時，其實就係拎走緊我僅有�H安全感，就好似嗰個黃衣女咁！嗰種感覺就好似將我推去邊緣，種感覺好唔踏實∼我唔知佢幾時會俾人搶走，我更唔知我幾時會因為嗰個黃衣女而俾佢逼癲。。。我只係希望簡簡單單，安安穩穩！

分類: 我們的生活點滴
 [ 訪客留言(0) ] [ 編輯日誌 ]

2018 年 10 月 14 日  星期日   晴天
還有以後。。。嗎？

 今日心情依然麻麻。。。而且仲覺得自己壓力已經爆咗！同啲人出街途中，因為講起結婚問題，我突然失控喊咗出嚟，我好攰好攰真係好攰。。。嗰一刻我響到諗，假如我結束咗生命，所有嘢應該會解決晒，我知我情緒已經去到頂點！


一直以嚟我都好努力做好自己�H角色，響屋企我努力做好作為一個女、一個細妹�H責任，響感情方面，我對佢更加努力去做一個女朋友，有時甚至會覺得自己做多咗，響公司亦係盡番一個美容師�H責任！對住呢四個唔同角色，我每日都逼自己笑，每日都盡量遷就、体諒佢哋任何一個，但我又邊個去遷就、体諒同明白我？

呢段日子我過得並唔開心，響感情上我更覺得好似得番自己一個，我好想講，但每次講親都係唔開心收場，。因為佢根本唔願意去聽甚至覺得我好似撩交嗌咁！直到今日響旺角，佢想帶我去買我上次想買嗰架車，但我發現原來佢根本唔知係邊架時，我有啲失望架！我失望係因為我肯定咗自己諗�H嘢∼直到我話我之前已經揾咗好耐，只係得最頂層嗰間先有！而佢就問我係咪自己成日出旺角？點解我揾咗咁耐佢都唔知？

低能仔，你知嘛。。。嗰一望我真係好無奈，我真係好想講你知，因為每次當我同你行街，我叫你陪我睇�H時候，你都會拎住個電話，又或者人在心不在！然後同我講“得啦！你自己睇啦，我都唔識，又或者係我都冇興趣！”亦因為咁我成日都覺得響感情世界裡面，我好似一件陪襯品咁，就算係一齊都好似得自己一個∼仲記唔記得上年你�H生日禮物？你問我點解會知你想買嗰部機？其實我每次同你出去，我都有用心同你一齊睇你想睇�H嘢，因為我在乎你，好想知你�H一切，就算唔識我都會上網摷，甚至響你唔為意時偷偷影低，就好似你個耳機咁∼我唔係想講我為你付出咗啲乜，而係我想你知愛一個人係點？！

或者我哋係咪應該諗吓以後�H路要點行喇？

分類: 我們的生活點滴
 [ 訪客留言(0) ] [ 編輯日誌 ]


« | 14 | 15 | 16 | 17 | 18 | 19 | 20 | 21 | 22 | 23 | ... | 384 | »