jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34159 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 30
累積人氣： 34159
RSS Feed
2018 年 11 月 18 日  星期日   晴天
Big surprise
今日都係要返工，個人好攰。。。。幸好可以收6點！

收工之後我去銅鑼灣揾啲人，啲人俾咗個 big surprise 我，原來有個傻人去咗 Pandora 嗰隻星星手鐲俾我，其實我好鍾意嗰隻手鐲，因為我覺得好簡單，係我鍾意嗰啲款，只不過我嫌太貴一直都唔捨得買！估唔到有人會買嚟送俾我，仲要係唔聲唔聲咁∼感覺又真係幾浪漫�H，因為呢啲平時多數都係我做架嘛！

行咗一陣我哋就去食飯，食我最鍾意�H魚生飯😍食完嘢我哋行咗陣見到佢男神，啲人叫我幫佢影相，不過我影得唔靚，啲人唔鍾意。。。仲將自己個樣整濛咗先放上網，仲強調我影得唔靚😭其實好有挫敗感，或者係我自尊心問題！

之後我哋去咗 Muji買嘢，走�H時候聽到有人唱歌，我就陪啲人去聽。。。我見到啲人即時去 ig seach 個女仔時，就算明知佢係欣賞都好，我點都會有啲呷醋∼走�H時候佢一直冇講嘢，仲要自己行冇理我，我開始有啲嬲。。。直到佢響屈臣屎行出嚟之後，乜都唔講自己行咗去，我嬲到同佢講我自己返屋企先，我嗰刻真係頂唔順，我唔知可以點。。。

多久了 我都沒變
愛這回事 整整六年
我沒有打算 停止一切
想說我沒有志願
也沒有事情好消遣
有一個人能去愛 多珍貴
我就是剩這麼一點點倔 
稱得上 我的優點
 

分類: 我們的生活點滴
 [ 訪客留言(0) ] [ 編輯日誌 ]

2018 年 11 月 17 日  星期六   晴天
攰

 今日返早，個人好攰。。。因為尋晚整嘢整到好夜∼今朝醒咗個人呆呆滯滯，原本諗住食維他命，點知拎錯咗安眠藥食咗∼


食錯咗粒藥之後，好快就已經好眼瞓，最大問題係我今日 full booking ，一路中眼瞓一路做客，不停打喊路仲打到流眼淚，幸好冇做錯嘢咋！仲可以準時六點收工∼

收工之後，我就過旺角揾啲人，唔知點解我覺得佢呢兩日情緒好似唔係咁好，兼且好沉醉響自己個世界裡面。。。平時我見到咁都會冇乜嘢，但呢兩日可能我濕疹發，個人好唔舒服又攰，我覺得有啲憫同覺得有啲攰！其實我好想得我哋兩個�H時候，我可以響佢�H世界裡面。。。。
 

分類: 我們的生活點滴
 [ 訪客留言(0) ] [ 編輯日誌 ]

2018 年 11 月 15 日  星期四   晴天
欲速則不達

 今日返一點！真係好唔鍾意收咁夜，雖然可以瞓晏啲，但私人時間真係好少∼我好想對住啲人耐啲。。。


呢排佢都好少揾我，每朝早一醒咗，我就即刻睇電話，但見唔到佢揾我，我就會好失望∼呢個人真係好勁，咁多年裡面都令我依然咁期待見佢同佢揾我！或者呢個就係佢獨一無二�H原因∼

今晚主管俾我補鐘，我就收9點。。。嗱嗱臨接啲人！有人同我食吉野家，同啲人一齊打邊爐真係好sweet。。。因為啲人成日偷我嘢食！

有人因為減肥，開始傻上腦！我真係好想講欲速則不達，減肥真係唔可以急。。。唔會一兩個月就減肥成功，好多人都要用一兩年時間先減到十幾廿磅，我好想佢知越急越唔健康，不論身体定心理，我想你明白減肥係需要時間，唔好咁緊張。。。

分類: 我們的生活點滴
 [ 訪客留言(0) ] [ 編輯日誌 ]

2018 年 11 月 14 日  星期三   晴天
開工喇
放咗3日假，今日要開工喇！唉。。。唔想假期咁快完，好想每晚都可以煮定飯等啲人返！

今晚收工之後，我就去咗接啲人，啲人帶我食完嘢，就同我去 sogo supermarket 行，行到去牛扒嗰到，我哋都望住心心眼，我同佢講將來我哋有屋企就可以煎牛扒，我真係好想同佢響屋企煎牛扒食燭光晚餐，我諗一定會好幸福啫！雖然最後乜都冇買，但每次有佢拖住我行supermarket 我都覺得好温馨，尤其係我嗲佢買嘢時，但我唔係真係要佢買！

行完sogo我哋去咗360，同啲人買咗少少嘢食，我哋就搭車返去！低能仔，多謝你每次都咁寵我呀∼愛你♡ 


分類: 我們的生活點滴
 [ 訪客留言(0) ] [ 編輯日誌 ]

2018 年 11 月 13 日  星期二   晴天
《就只是對著你；我會容易流眼淚》

 今日係假期�H最後一日，雖然我好唔捨得個假期，但我好慶幸可以煮到咁多餐飯俾佢食，起碼佢會食得健康一啲！你鍾意呢幾日�H飯盒嗎？


　
有個人，佢會好容易令我喊。
因為呢個人，係我好鍾意�H人。
有時聽佢問一句：「你做咩又喊呀？」
其實有啲委屈，因為…我只係用咗最簡單，最細路仔�H方法表演自己。
連我自己都唔明，點解眼淚會咁容易爬出嚟。
我就好似身相處於一個好微型�H星球，
每日望住一粒固定�H行星轉動。
因為周圍再冇其他嘢，
於是呢粒行星成為我唯一�H嘢。
而你就係嗰粒行星。
每個微小動作，都會令我眼框變紅，感覺上弱不襟風…
我唔想畀你洋洋得意，畀你覺得自己係我世界�H全部，
所以面對呢句「你做咩又喊呀？」
我一直都係東拉西扯，不置可否。
當然啦，我唔講，但你知。
不過，眼淚唔一定係負面；
你令我感動到喊；喊到笑�H畫面都唔少。
眼淚的事，
傷心如是；快樂亦如是。
我唔會計，最後我傷心�H眼淚多，抑或快樂�H眼淚少。
因為人生中遇上過一個可以震盪自己情緒�H人，
本來都係一種幸福。
喂，同你，不如再幸福多一陣…好唔好？
希望，你是我唯一的行星…
我也是你唯一的星球。
　
 

分類: 未分類
 [ 訪客留言(0) ] [ 編輯日誌 ]


« | 9 | 10 | 11 | 12 | 13 | 14 | 15 | 16 | 17 | 18 | ... | 384 | »