好辛苦……好辛苦……好辛苦……


今朝一起身已經覺得好凍，喉嚨痛仲痛過尋日！今日連早餐都冇食過，陣係飲咗包朱朱力奶！返到公司探熱，又係102度……好辛苦！但因為今日星期六，超忙超多嘢做，所以唔可以請假！


我今日成日都響公司冇講過嘢，好似啞咗咁-_-///好唔容易先捱到 lunch，我又只係飲咗包朱朱力奶當晏晝，之後就爭取時間瞓咗一陣……我諗陣間收工要去香港仔買多支感冒茶飲！唔舒服到好想喊……


眨吓眼今日已經係 last day喇！執嘢走嘅時候，先發現原來我都有好多嘢要帶走，但 Terry 所送嘅嘢，我一樣都冇拎走，依然放咗響 pantry！突然間覺得好似成個人都輕鬆晒，或者我真係唔係想像中咁鍾意呢份工，我只係 enjoy 低能仔等我收工、同我食早餐…… 不過去埋沙巴之後，我真係要好好諗吓之後嘅路要點行，仲有個半月時間可以俾我慢慢諗清楚……


今日臨收工時，老細竟然俾咗 bouns 我，雖然唔係好多，但我真係覺得好 surprise！收工之後，我去咗 IFC 行咗一陣就約咗人響海怡食飯∼椰林閣，竟然坐番上次同低能仔坐嗰到！我同樣地只係食 salad，今次食我最愛的“ Caesar salad ”不過我只係食晒啲菜，其他乜都食唔到-_-///應該話一吞就痛，根本就吞唔到∼唯有當減肥吧>.<


今日我同低能仔冇乜揾過大家，唔知點解我有啲唔習慣。。。我想揾佢，但又怕阻住佢，所以最終都冇揾過佢。。。我相信佢得閒又或者掛住我嘅，就會揾我！