今日原本返 hold day，但因為低能仔尋晚話想我陪佢去一個地方，就係因為咁，我請咗半天假！冇半日人工對我嚟講唔係一個問題 （雖然半日人工唔係好多錢,wakaka....） 最重要係見到佢所有問題都解決晒、開心番！為咗一個人而要影響工作值唔值得？如果係為咗其他人就一啲都唔值得，但嗰個係佢，我就覺得好值得！原來值得與否，真係在於一線之差……
今朝一早同佢食完早餐就出咗去，雖然我覺得好眼瞓，但我覺得好幸福好幸福！因為有人今日一直都拖住我行，同時望住佢由原本擔心嘅表情變番開心，嗰種開心真係無嘢可以代替！！
低能仔，你要應承我，經過今次呢件事後，以後就唔可以犯同樣嘅錯誤！因為有啲嘢只可犯一次錯，再犯嘅話真係未必咁好彩架喇，知嘛？！我相信經歷過今次之後，你一定會記得嗰種擔憂、瞓唔著嘅感覺，你要當今次係你人生寶貴一課！我好有信心你可以改到某啲壞習慣，速成 & Photoshop都難你唔到，呢樣對你絕對冇難度，right？！
同佢搞掂晒啲野之後，我就去返工！今日超低能，響架車攰到瞓著咗，到我睜大眼嘅時候，架車已經去咗上環-_-/// 嗰一刻勁無奈，要行好遠先返到中環，結果要去starbucks買杯咖啡陪我過埋餘下嗰幾個鐘……
返到 clinic望住呢個好熟識嘅環境，我諗起我第一日返工嘅情景，我響呢到得到好多嘢，由一張白紙變成可以獨立咁去跟症，由一個乜嘢工具都分唔清，變到依家一講我就知道邊樣打邊樣！嗰種滿足感真係好大……當然唔及化妝帶俾我嘅滿足感咁大，但我都enjoy呢種感覺！因為真係令我學到好多我響書本唔會有機會學到嘅知識~^O^~呢種知識，足夠令我一生受用！低能仔，呢啲就係我成日同你講嘅“寶貴一課”你依家明白未呢？！
