尋日同佢出完去之後，我以為佢返咗工，點知我收工時佢whatsapp我佢放假-_-///佢話佢出完去夜晚就返嚟陪我，一聽到呢句，我成晚都唔敢揾佢，我怕佢係同“她”一齊……尋晚佢9點幾就返咗嚟，佢叫我估吓佢同邊個食飯？其實我估嚟估去咪又係估佢陪“她”~T_T~所以我冇出聲……點知佢同我講陪佢食飯嗰個係男仔囉(^3^)
今朝7點就起身整嘢化妝返工，當我一路化妝、一路中緊眼瞓嘅時候，我收到佢whatsapp，即時成個人醒晒！我鍾意瞓醒就收到佢 msg>3<係好鍾意好鍾意……
今日返工好好彩唔使 delay，可以準時食飯，兼提早收工！佢尋日同我講佢今日返8-7，所以收工之後，我約咗佢女神行街，點知我 whatsapp話俾佢知我收工後，佢就打俾我同我講佢都收咗工-_-///嗰刻好無奈，我想見佢，但又應承咗佢女神出街，好似左右做人難咁！到最後我陪女神響中環行咗一陣就返去喇！
今晚我地去咗海怡，陪佢食飯嘅時候，我突然諗起莫醫生今日同我講嘅嘢，佢話“Jessica, 今次你再返嚟呢度返工，我覺得你個人好似開心咗，成日都好好笑容”其實唔止莫醫生咁講，就連女神成日去買嘢嗰到個女仔都係咁講！
其實自從同佢一齊之後，我都發現自己係笑多咗“但同時亦喊多咗囉”兼且我會成日都好想見到佢！以前拍拖唔會有呢種感覺，唔會成日都想見到。但對住佢我會有呢種感覺，同佢一齊我好舒服，even我唔化妝我都可以好自在咁見佢，換轉以前一定冇可能！佢真係可以令我響佢面前做番自己，呢樣係我預料之外嘅事！
低能仔，你話我成日都會呷醋，其實我認架！對住你，我會不其然咁呷醋，我會諗你個心有冇我？我亦會諗你個世界見到嘅係咪只得佢？我更會諗你知唔知我有幾在乎你？或者就係因為太在乎，所以先會諗……
分類: 我們的生活點滴 |
