今朝瞓到七點幾，隱約聽到電話響，但好快又瞓番。。。瞓到9點幾頭痛到醒咗，望一望個電話，見到低能仔7點幾真係 whatsapp過我
原來今朝唔係發夢！！
尋晚同 Cherry 傾電話傾到四點，唔知點解我覺得尋日好似發生得太多嘢，我好似一時間消化唔到！Cherry話我同低能仔講嗰件事講得太直接，問我有冇諗過我同佢講完“她”的一切，我有機會徹底失去佢？其實當我同佢講嘅時候，我係預咗失去佢！但我依然選擇同佢講，我知我唔講清楚嘅話，佢根本唔會用個心重新睇一次問題所在！我唔希望自己為咗留住呢個人，而令佢承受另一個更大嘅傷害！我話過響我能力範圍內，都唔會俾佢受傷害，儘管要我徹底失去佢。
至於那些年。。。低能仔知道晒所發生嘅事，佢第一個反應係即時望吓我雙手有冇帶住嗰隻介子！當佢知道我諗住同佢講完“她”嘅野後，而會選擇那些年時，佢個表情我從來都冇見過，望住佢嗰一刻，我個心好痛！當要親口講“我鍾意同我愛嘅人唔會選擇我”嘅時候，我個心痛到不自覺流眼淚出嚟！佢攬得我好實好實。。。嗰一刻好想時間永遠停留響到，我唔捨得永遠失去佢！突然我諗起黑夜不再來呢首歌。。。
尋晚低能仔自己出咗去，佢返到嚟就揾我，當佢同我講，應該會同“她”做番朋友時！我嘅反應係“唔好同我講，我唔想知！”其實我真係好怕知道之後，到最後佢所講同佢所做嘅係兩回事，我唔知自己會點！我寧願選擇唔知。。。。我都唔想再傷心多一次！
今日我瞓到佢放學揾我先起身，呢幾日都冇試過瞓得咁舒服！起身之後，我落咗香港仔買感冒茶俾低能仔，我諗如果唔係為咗買感冒茶，我諗我應該唔會主動去食嘢
呢兩日同佢一齊響屋企嗰種感覺唔同咗，俾起之前更加開心，更加warm...
其實尋日上到去嘅時候，起初我望住佢哋影嗰張相時企嗰個位望咗好耐，我個腦不停出現嗰張相嘅畫面，我亦有諗佢哋究竟有冇。。。。？？？但我知道如果自己再唔學識原諒同忘記，我唔會再有番開心嘅感覺。。。
原來當你真係忘記同原諒之後，你會覺得成個人輕鬆晒！今日當我再上去佢嗰到，所有感覺已經唔同晒！我感覺到我依家好幸福。。。特別當有人用女朋友嚟形容我嘅時候！
低能仔，我愛你！！黑夜是否不會再來？
如果將街燈的光線代表真愛
或者熄燈了會更發現你存在
如果日落西山燈光普照麻木了
蒙住這雙眼令黑夜再來
誰叫我這樣活該
縛起雙手給你愛
愛到兩腳浸沒在大海不懂再走開
熟悉的想講再會 陌生的都很匹配難怪我永遠懷念飛灰
如果將香煙點給我代表深愛
莫非煙熄了會更震憾與期待
難道討好我等於鼓勵我去歧視你
一手將心摔下來
嫌棄你想再會 被丟低想反悔
誰叫我要靠別人待薄才配
熟悉的想講再會 陌生的都很匹配難怪我永遠懷念飛灰
如何不後悔
如果一呼氣一吸氣代表相愛
或者淹死我會更發現你存在
如果日夜一起想不起我曾被愛
難道分手會令感動再來
