尋晚低能仔去咗睇阿Deep，而我就響屋企温書，温到點幾佢就返咗嚟揾我，見到佢個樣攰到冇朋友，拎完嘢俾佢，我哋就各自各返屋企！
温温吓書就收到佢 whatsapp，好耐都冇試過咁夜收到喇！兼且差唔多3點再收到佢電話，好懷念嗰時同佢講電話嘅時候。。。
尋晚温書温到今朝先瞓，攰到連低能仔十點幾揾過我都唔知，但要温嘅嘢仲未温晒！不過我諗應該都冇問題嘅。。。
原本今晚去唱K、飲嘢，其實我一直都覺得去唔去都冇所謂，我選擇去係因為我應承Fung佢哋嘗試唔望住同一個地方，試吓望吓四周圍嘅風景。。。但我發現原來最後低能仔一句“我唔多想妳去、我想見妳”我就諗都唔諗就推咗佢哋！
今晚我哋約咗響灣仔，我哋食完飯就返咗去喇！雖然過得平淡，但我知道一定會開心過去飲嘢同唱K。。。
愛情是會沉澱的，
在那些平淡的日子裡，
最重要的是經常去輕輕晃一晃那盛裝愛情的「水杯」。
分類: 我們的生活點滴 |
