尋晚食咗兩粒藥之後，未到一點已經辛苦到爬咗上床瞓，瞓到今朝9點幾，低能仔打電話叫醒我起身去食早餐！
食完早餐我去咗靚仔醫生到睇醫生，個人超攰同不停流鼻水~T_T~勁辛苦！加上四嬸今朝唔使返工，順便可以響靚仔醫生到幫低能仔配埋藥膏！睇完醫生響灣仔見到那些年，同佢 lunch完我就返咗去（應該係陪佢lunch至真。。。）原本佢見我咁唔舒服，堅持要送我返去！但我推咗。。。因為我還是鍾意搭巴士多啲！！
返到屋企食完藥就不停瞓，瞓到低能仔 whatsapp我先起身！！啲藥堅眼瞓。。。瞓咗一陣感覺好似好咗啲，但依然覺得好攰-_-///好想繼續瞓！不過唔敢再瞓，因為低能仔話佢會過嚟睇我，所以我冇再瞓到。
今晚佢7點左右過咗嚟，佢陪咗我一陣就返咗去，其間大家都有收到 wechat，我嗰個係 Fung，而佢嗰個我唔知！我有諗過佢會唔會同『她』傾緊計呢？定還是還有另一個『她』呢？原來我依然好怕佢有離開嘅一日。。。原來我依然好怕佢愛嘅唔係我！
『你就像指縫間的陽光一樣，溫暖，美好，但我卻永遠抓不住這道光。』
今日如常都收到速遞-_-///望住屋企啲花，唯一可以做嘅，就係掉晒舊嗰啲。。。。Fung話佢26号先返HK，叫我預咗收到26号~T_T~其實真係有必要嗎？我諗就算有一個人幾鍾意花都好，每日都見到花、花、花……都會覺得恐怖！
分類: 我們的生活點滴 |
