今日下晝收到低能仔電話，突然佢問我邊個叫Chris？兼且佢仲話“我今晚真係好想見妳！”起初我都覺得出奇點解佢會知呢個人名，直到我開 email，我先知道原來係blog 嘅 msg！
睇完個 msg 之後，我不停聽住“天梯”呢首歌，不過我聽嘅係“cool魔”版本，今日聽呢首歌時，感覺好唔同！之前聽釗鋒唱呢首歌時已經好鍾意，不過就冇特別感覺，但睇完個 msg後，我諗咗好多嘢，假如你問我有冇壓力嘅？我話無就一定呃人！之但係有又點？其實有冇壓力，到最終個結果都係一樣，因為。。。。
“ 留住你 旁人如何話過不可一世
問我亦無愧
『有你可失去我一切』
幾多對 持續愛到幾多歲？
當生命 仍能為你豁出去
千夫所指裡 誰理登不登對 ”
最近嘅壓力真係超大，好似好多嘢煩。。。或者因為咁，尋晚我whatsapp低能仔時，語氣真係重咗，但佢冇嬲不特止，仲講咗一句從未有人同我講過嘅嘢“唔好咁心煩，有咩都有我喺度！”其實就係因為呢句說話，我更加想講。。。我身邊個個人都話希望我幸福、開心！但又有邊個真係可以企響我角度去諗？又有邊個真係會體諒過我？甚至又有邊個真係會尊重過我嘅選擇。。。。
分類: 我們的生活點滴 |
