尋晚我約咗人響灣仔拎電話咭，而佢就過咗嚟地鐵站接我，跟住就去咗188。。。見到佢嘅時候，我依然冇乜嘢講！或者因為我一直諗番那些年嘅留言，兼且我真係覺得個心好攰！佢見我冇乜講嘢，問我係咪仲嬲佢之前嗰晚嘅嘢？其實我已經冇嬲，只係有啲嘢真係需要諗清楚！
尋晚食完飯，我陪佢去咗搭車之後，我就走咗！佢一直叫我一齊返去，而我就堅持落銅鑼灣。。。其實我冇約到家姐，只係我真係好想行吓！行咗一陣，我入咗bauhaus，原本都冇諗過買嘢，呢幾個月我都冇買過袋或者 wallet， 但尋晚我入咗去買咗個 salad嘅 wallet，呢個牌子嘅wallet我一直都好想買，但我唔捨得買！啲人話唔開心嘅人會買鞋，而我就會買袋或者 wallet！買完之後我都返咗去。。。
今日我出咗灣仔搞埋去沙巴嘅嘢，只要聽日執埋行李，星期一就出發喇！唔知嚟緊呢幾日我見佢唔到，返到嚟又會點呢？會唔會當我返到嚟之後，佢發現已經唔再需要我呢？我開始唔捨得佢。。。
分類: 我們的生活點滴 |
