聽朝就出發去沙巴喇！行李已經執好晒，要帶嘅嘢亦重覆 check咗兩次，應該冇帶溜嘢。。。
不過如果呢個 trip，低能仔可以響我身邊嘅話，我諗我會更開心！我好想可以同佢兩個人去第二度玩幾日、可以拖住佢四圍去、陣係得我哋兩個人嘅二人世界，但我知道呢個係一個好奢侈嘅希望！
今朝佢一早就whatsapp我，不過我仲瞓緊，加上呢幾日瞓得一啲都唔好，所以今朝電話響，我攰到聽唔到！直到十點幾我醒咗覆完佢，我就整嘢出街，點知我miss咗佢電話！！到我揾佢時，佢已經憫憫哋。。。仲問我下次可唔可以唔好得番10分鐘先打嚟？嗰一刻我勁無奈，咁我下次即係應唔應該打番俾佢？
今日佢要返工，放工後佢要去埋佢同學屋企先返嚟陪我！因為佢聽晚要去表演。。。。可以見佢嘅時間剩餘唔多，所以有人聽朝會陪我食早餐，然後我九點幾十點就要去到機場搞 check in。。。。之後佢就去返工，可能要到17号先見到佢！唔捨得。。。唔捨得。。。唔捨得佢！
低能仔，今次係我哋識咁耐第一次我離開香港，幾日都見唔到你！我唔響香港呢幾日，你一定要記得食嘢，唔好再只係掛住食7仔，知嘛？！之後幾日天氣會開始涼啲，你記得帶多件外套返工、返學！
呢排我成日都響你口中都聽到一句“唉，好煩呀！”其實我係咪真係令到你咁煩呢？依家每一次你打嚟，我都唔夠膽講啲咩，每次都只係你問一句，我答一句！因為我真係好怕好怕自己講錯嘢，又會令你覺得我煩，我好怕聽到呢句說話，曾經我哋可以響電話無所不談，如今竟然每講一句說話都要重覆諗吓講唔講得？講咗你又會唔會覺得我煩？原來咁樣都會有好大壓力，點解我哋會變成咁嘅？我係咪真係差到咁呀？
分類: 我們的生活點滴 |
