聽日就係我同佢拍拖5個月嘅日子，眨吓眼原來時間過得咁快！呢5個月雖然發生咗好多事，但我仍然好愛好愛佢。。。
今晚我哋出咗旺角，行到信和嘅時候撞到佢嘅朋友，嗰一刻我好自然咁縮開隻手，點知佢依然拖實我，佢話以後都唔使再縮開隻手，因為行得呢到就預咗撞到熟人，而且我係佢女朋友，所以根本唔使縮手！
聽到佢咁講其實我好開心，但當行到銀行中心時，佢甩開咗我隻手，而且仲行得好快，嗰一刻我想問佢係咪怕俾同事見到佢？自從佢甩開我隻手後，我就開始冇乜講嘢，我怕我問佢，佢又嫌我煩！原來愛上 cool魔，係幾咁大壓力，幾咁怕隨時有人可以代替到自己，兼且幾咁怕失去佢！
搭車返嚟嘅時候，我仍然冇乜講嘢，只係一路望住隻窗，一路聽歌！原來今晚嘅月光好圓，同上個月我同佢拍拖四個月嘅時候，係一模一樣，唔知你有冇留意呢？
今晚家姐返到嚟同我講，Yvonne今晚不停問我點解會返去做？直到佢知係 boss揾我返去時，佢即時黑面，兼且仲話 boss同佢講將會把 CB交俾我睇！其實由始至終我都冇諗過要同佢爭啲乜，我只係一心諗住兌現番當日嘅承諾！我冇諗過未返去已經咁多嘢聽，我真係唔夠膽想像返到去之後會點。。。
『與愛共沉淪，無可救藥地愛著一個人，那麼固執自虐也糜爛的自己或許是美麗的；可惜，人總有茫然醒過來的一天，然後才發現，這樣的糜爛與墮落徒然虛度了青春，除了痛苦，一無所得。』
分類: 我們的生活點滴 |
