今日第一日返工，9點幾嘅時候，低能仔 whatsapp 我話同我食早餐♥其實我好鍾意返工嘅感覺，因為佢。。。佢會陪我食早餐、佢亦會接我收工，每一次我都會特別珍惜、特別幸福！佢為我所做嘅嘢，就算係微不足道嘅事，我都會感到好幸福！
尋晚所發生嘅嘢，我地決定所有嘢都到此為止，重新開始過！要記住所有唔開心嘅嘢，要去諗佢今日有冇背住我做過啲乜，其實真係好攰！我寧願同佢重新開始，重新相信佢能夠一心一意對我，總好過每日都響猜疑中渡過，縱使今次係最後一次都好，我都心甘情願咁做，呢個已經係我對佢最大嘅包容，最大嘅讓步，只係因為我真係好愛佢！
當決定咗要咁做時，今朝見到佢嘅時候，我真係能夠做到唔去諗番尋日嘅嘢，我真係能夠做到好開心咁面對住佢！今朝見到佢嘅時候，我所有笑容都係由心發出嚟，而唔係扮出嚟，為咗愛佢，我真係做到咗喇！或者你真係要好愛嗰個人，你先有能力做得到。。。
今日返到去公司，要重新熟習返所有嘢，始終都有一年冇返過嚟！但最開心係1點嘅時候，收到電話要過 KT 拎嘢，咁就可以做少一陣雙面人，呢種感覺真爽！其實返到嚟，種感覺好特別，既熟識又陌生。。。呢一刻我只係希望可以快啲放工，因為我真係好掛住低能仔！
分類: 我們的生活點滴 |
