今朝有人 whatsapp叫我起身返工，我望住個 msg 真係覺得自己好幸福，低能仔，我愛你！
今日返工嘅時候，見到一個令我即時諗起低能仔嘅人，雖然我自己都鍾意佢，但我嗰種興奮係因為低能仔，嗰個係『林峯』！二汪見我因為佢而咁開心，即時講咗一句“姐匙卡，妳真係好鍾意妳男朋友！”
今日佢放咗學之後要返工，而我就3點幾食飯，佢臨返工前過咗嚟陪我，雖然只係好短時間，但我已經好滿足，呢一切我都冇諗過會發生響我身上，其實依家每日就算我返工好攰，我依然覺得好 sweet、好幸福！每晚收工佢都會響鋪頭付近接我，然後就同我食飯！
依家見嘅時間俾以前的確少咗，但我覺得開心過以前。。。我哋嘅話題好似多咗，起碼唔會好似之前咁，行街嘅時候都冇嘢講，食飯嘅時候各有各食(*¯︶¯*)我鍾意依家呢種關係，係好鍾意至真！低能仔，唔知你又覺唔覺得我哋嘅關係唔同咗呢？唔知你又鍾唔鍾意依家呢種感覺呢？
今晚食完飯我哋一齊返屋企，行到去7仔嘅時候，我亦好快咁縮開佢隻手，不過佢依然拖實我！嗰種感覺好實在。。。呢一刻我真係好想好想永遠停留響到，我唔想再失去佢！
分類: 我們的生活點滴 |
