返咗3日工真係覺得好攰，俾起莫醫生嗰到更攰！依家只係好想好想可以快啲放假，幸好只係返五日。。。如果唔係我應該攰死！其實銅鑼灣生意係有得做，只不過係做唔做嘅問題！今晚同boss 佢哋傾咗好耐，當知道嘅嘢越多，就發現問題越大！
今日返四點，低能仔都返四點！所以我哋一齊食埋嘢就返工。。。到咗夜晚佢響灣仔等我，之後就一齊食飯，但其實我響公司食咗嘢，不過當我話唔肚餓時，佢就話唔食嘢不如一齊走-_-///為咗唔想佢唔食嘢，我夾硬叫咗碗粉。。。但我真係好飽囉！到最後低能仔幫我食埋，仲表演俾我睇乜嘢叫唔使3分鐘食晒一碗粉，勁呀！！
今晚返到嚟，佢話佢好耐冇揾過她，有時亦會掛住她！其實佢係咪真係上錯車呢？或者俾佢落車，對佢會係一件好事！我願意俾你落車。。。
分類: 我們的生活點滴 |
