今日超攰呀。。。晏晝嘅時候，YES上嚟做訪問，搞咗幾粒鐘先搞掂！個頭痛到冇朋友。。。
今晚做做吓嘢，見到兩個女仔行咗嚟鋪頭睇嘢，正當我招呼緊嘅時候，我發現其中一個好熟口面，而佢亦望咗我好耐，直到佢望住我個名牌望咗好耐時，我知我冇認錯人，嗰個係“她”。。。我知道佢亦認得我！見完她之後，我成晚都集中唔到精神做嘢，就算收工後見到低能仔時，我都只係好落力咁令自己笑，因為我不停諗番之前所發生嘅一切，嗰種感覺好辛苦，好似抖唔到氣咁！
起初我猶豫緊同唔同低能仔講，但直到我諗番尋晚佢同我講佢掛住她時，我即時行去洗手間打俾佢同佢講，如果掛住她，就依家打俾她，因為她響銅鑼灣！其實講呢番說話時，我個心好痛，我冇諗過自己可以扮到冇嘢咁，仲要咁大方咁俾佢選擇多一次！直到佢話我煩嘅時候，我收咗佢線！因為我怕我再講落去我會忍唔住。。。收線之後，我響洗手間望住塊鏡，不停咁問自己點解唔可以自私一啲？點解唔可以自私到唔俾佢知？唔俾佢有機會選擇？點解我愛佢要愛到咁？？
原本我以為今晚會得我一個返屋企，直到二汪好大聲咁同我講，妳個朋友上咗嚟等妳！嗰一刻係我預料之外。。。我以為你唔會再上嚟等我。。。我更以為。。。。
我沉醉難道你不想每晚共對
我憔悴還是我不知應否再追
沒法解釋面前你是誰
往往笑中會有淚
似情侶又怕只算是伴隨
我沉醉難道你不想再醉下去
我懷裡如停留待你將心窩寄居
沒法解釋面前你是誰
往往笑中會有淚
我陶醉但你可會是夢蕾
為何讓我動情與著呆
彷彿不知所措是應該
愛你愛得我似在浮載
在那夢裡的愛海
其實若你真的開始在乎你未來
應否不知不覺像分開
我怕最終會再讓別人意外
分類: 我們的生活點滴 |
