今日休息，不過都係一到十點就醒咗喇~(*+﹏+*)~今日依然有啲抖唔到氣！
晏晝返咗醫院抽血，要等到12号先有報告出。。。今日幫我抽血同打針個姑娘同我講，好少見到有人會唔怕抽血同打針，而且仲要望住佢都冇咩特別反應！其實我已經習慣咗抽血同打針，雖然係痛，但我已經冇咗驚嘅感覺，呢啲係咪叫麻目晒呢？
今日食完啲哮喘藥，同埋醫院打嗰支針後，個人勁攰。。。原本諗住去完醫院就返去瞓，但臨走時低能仔就打電話俾我，佢又開始咳番喇！所以我落咗香港仔買咗支嘢俾佢飲，希望佢飲咗會好啲，我唔捨得佢病，我情願我唔舒服都唔想佢辛苦！
買完佢要嘅嘢，我就即時返屋企瞓咗陣，瞓到連佢打過嚟我都唔知！瞓醒後又開始抖唔到氣%>_<%但我依然冇講佢知，我只係同佢講我整緊嘢，兼且想食埋飯先落去揾佢，其實我冇食過嘢！我以為抖一陣就會好啲，點知都係咁。。。落到海怡時，越嚟越辛苦，最後唔使我講，低能仔都睇得出我唔舒服！佢攬得我好實好實。。。為咗佢其實一切都值得！
今晚佢將所有 Whatsapp & wechat俾晒我睇，呷醋我一定有，因為我在乎佢。。。我知道只要自己仲有呷醋嘅感覺，就代表我依然好愛呢個人，直到我睇到佢whatsapp其中一句說話後，我響到諗，我愛佢但又係咪代表我適合佢呢？同時亦明白
『 世上根本沒有絕對的安全感，當愛變質，承諾也就變質。然而，即使曾經失望，我還是會相信諾言；只是，心中會留一條退路給自己。那麼，當對方的諾言沒有兌現，我也可以微笑跟他說：哦，我不恨你。我不在乎你！ 』
分類: 我們的生活點滴 |
