今日返四點，可以瞓晏啲↖(^▽^)↗唔知係咪尋日嘔得緊要得滯，加上又冇乜食過嘢，今日依然好攰好攰。。。
今朝其實隱約聽到 Whatsapp響，但我冇理到繼續瞓，我以為又係 Irean 揾我，因為最近佢哋都好鍾意好早揾我-_-/// 直到電話響我先知係低能仔，原來佢唔記得我返晏，以為我唔知醒，哈哈。。。
今日我哋約咗返工前見面，因為大家都係返四點！陪佢食完嘢之後，我哋一齊行番公司，不過。。。其實有啲嘢我明知佢係講笑，因為佢每日都會咁講，平時嘅我聽完，都會同佢一齊笑，但唔知點解我今日特別大反應，我第一次發佢皮氣，第一次好認真咁甩開佢隻手，第一次好嬲好嬲。。。
嗰一刻我知道我嚇親佢，佢不停氹我，不停講對唔住，甚至不停問我做乜？佢話未見過我咁。。。但我依然乜都唔想聽！其實我都唔知點解會咁，或者因為我今日仲覺得好唔舒服同好攰，所以個人好憫好憫！
今日返到鋪頭後，我依然冇乜講嘢！個 part time 見我面色唔太好，加上佢尋日已經見我唔舒服，所以佢好自動自覺咁去派試食，而我就搞鋪頭嘅貨。。。一搞就搞到8點幾！我不停望住個電話，除咗 boss 佢哋 Whatsapp 過我，低能仔就連收工，都冇揾過我~T_T~ 今晚收工後，邊到都冇去就返咗屋企！今晚嘅晚餐都係杯麵一個。。。
分類: 我們的生活點滴 |
