今日勁忙，放工仲要拎蛋糕俾個客，搞到好夜先收工。。。幸好我走嘅時候，咁啱見到低能仔，所以我就再冇返鋪頭！如果唔係佢就有排等我~T_T~
今晚我哋冇食澳門茶餐廳，轉咗食公司樓下嗰間茶餐廳，嗰間嘢我一直都想試，但一直都冇去試！今晚我終於都有機會試，仲要係同低能仔一齊食添(*¯︶¯*)
之後我出咗去拎番條鎖匙，返到去嘅時候，我見到一啲我冇諗過嘅嘢，有人襯我出咗去時，竟然幫我將啲豬扒、魚柳切到一粒粒等我返嚟食。。。好 warm♥ 估唔到低能仔都有咁細心嘅一面，很愛很愛你！
今晚我過得好開心，好似好耐都冇試過咁！或者因為我哋之前，唔係佢攰就係我憫，次次都搞到唔開心收場，所以今晚我真係好開心！低能仔，你知嘛？我好鍾意好鍾意攬住你嘅時候。。。因為嗰種感覺真係好實在！我真係好希望以後都可以咁。。。
分類: 我們的生活點滴 |
