話咁快又到我最愛嘅星期六(*¯︶¯*)雖然今日我冇瞓到自然醒，但我係笑住咁醒，因為。。。。
我記得尋晚我發夢見到低能仔，個夢係乜嘢，我已經唔係好記得，只係依希記得響夢裡面，低能仔係咁摸住我塊面，仲唱住“讓我愛你一小時”叫我起身返工！最後我的確係俾呢首歌叫醒咗，不過係電話響，每次聽到呢隻鈴聲我都會特別開心，猶其係瞓緊嘅時候，呢首係佢專屬鈴聲！我好鍾意瞓緊嘅時候，聽到呢首歌，因為我好鍾意一瞓醒就聽到佢把聲，就好似佢響我身邊叫醒我咁，嗰種感覺真係好幸福(^3^)
瞓醒已經係點幾喇！可以連瞓十幾個鐘真係爽爆。。。。明明今日休息，我依然要理公司嘅嘢。。。我唔係太鍾意咁！我係嗰啲鍾意放假嘅時候，真係可以有私人時間嘅人^_^||但我知道其實好難，因為 boss佢哋多數係星期六先得閒！
今日去咗靚仔醫生到睇咳，我想快啲睇好啲咳，我好想健健康康咁同低能仔過我嘅生日同埋過聖誕節， 聖誕節係我最鍾意嘅節日，我覺得呢個節日好浪漫，一直以嚟，我都好想同自己好鍾意嘅人過一個藍色或者係紫色嘅聖誕節，不過我知冇乜可能。。。
我記得海港城有一年嘅佈置係用紫色做主題，可惜嗰時我冇一個好鍾意嘅人，今年我遇到一個我好鍾意嘅佢，但已經冇紫色又或者藍色嘅 聖誕喇！雖然如此，其實有佢陪我過聖誕節已經係我最好嘅聖誕禮物！好期待聖誕節嘅來臨，唔知佢又鍾唔鍾意聖誕節呢？？
分類: 我們的生活點滴 |
