今日係我返咗呢間公司，足足一個月喇！同時亦係我第一日請病假。。。
尋晚成晚都冇乜點瞓，因為個肚好唔舒服，結果瞓咗一陣真係頂唔順，就打俾 Irene請咗一日假！打完俾 Irene就 Whatsapp埋低能仔同佢講我請咗病假！同佢講咗一陣，我就再瞓過，瞓到十一點幾就起身去睇醫生∼醫生話我除咗食錯嘢外，仲有機會係感冒菌入咗腸胃，又要食一大堆藥喇！不過有人話今晚收工後，返嚟睇我(*¯︶¯*)
食咗啲藥個人勁眼瞓，今日成日不停瞓，瞓到7點幾，阿麻打嚟叫我過去拎嘢，嗰一刻先捨得起身(~O~)zZZ 阿麻見我唔舒服，食咗藥面青青，加上佢知道我份報告後，佢又眼濕濕咁∼我心痛了！
低能仔返到嚟，就攬住我同我講『我終於遇番妳喇！妳知唔知出面有好多引誘？』聽到你咁講，我好 sweet，我知道出面有好多好靚嘅嘢，你依然為我停留響到，多謝你(^3^)但你知唔知呢幾日其實我好驚，因為我塊面損咗，我好驚你會唔鍾意我%>_<%所以我呢幾日都好早咁叫你返屋企，我驚你會唔願意望到我個樣喇~(*+﹏+*)~我驚你會因為咁而唔要我。。。呢一刻我先發現，原來我係幾咁驚自己已經唔能夠令你鍾意！又或者唔能夠再令你為我停留。。。
當你喜歡上一個人時
最開始你捨得給對方傳簡訊
之後你捨得一直去他臉書按讃留言
再之後捨得給對方打電話
等到哪天當你愛上那一個人時
你願意捨得給對方你所有的時間
分類: 我們的生活點滴 |
