終於都星期四喇，嘻嘻。。。返埋聽日又放假喇↖(^▽^)↗咁又一個月lu... 天氣真係凍咗好多，朝早完全唔願意起身返工，好想低能仔響我隔離，好想攬住佢瞓到自然醒(*¯︶¯*)
今日那些年問我可唔可以同佢一齊，佢話唔介意我身邊有個低能仔！其實我嘗試過同人分享，嗰種感覺好難受，仲流咗好多眼淚！今日我同佢都可以咁幸福、咁平靜咁生活落去，實在得來不易，而且我唔希望要低能仔感受呢種痛，愛一個人係希望佢得到幸福，而唔係帶俾佢痛苦，況且有低能仔對我咁好，我已經覺得好滿足。。。我已經好知足！
低能仔今日返工前上咗嚟鋪頭睇我，收工後又上咗嚟接我♥見到佢個樣超攰，都依然堅持嚟接我、陪我，我個心好痛。。。佢明明攰到唔想講嘢，但面對住我仍然笑、仍然陪我講嘢，我點會有人對我咁好？我點會有人咁著緊我？從來都冇人咁緊張過我。。。多謝你呀！
我開始對呢份工越嚟越憫，每日都總有手尾要執！啲 Part time返工返到好似女皇咁，返嗰四個鐘，要我俾半個鐘佢食飯。。。咁同我自己一個做有乜分別？？而且每次執嘅手尾，一次俾一次金！依家生意已經上咗軌道，其實我係咪可以功成身退呢？Boss想我做嘅嘢，我又算唔算叫做到俾佢呢？如果我辭職，唔知 boss又會點呢？
分類: 我們的生活點滴 |
