低能仔今日考試，朝早嘅時候打嚟叫醒我去食早餐(*¯︶¯*)搞掂晒啲嘢後，我就買定早餐等佢嚟，嘩！！個收銀唔使我講要乜，已經自己入晒單。。。即時0晒咀^_^||食完嘢有人送埋我返工，今次仲要係送埋我上鋪頭添，真係好温馨(^3^)
收工後同低能仔剪完頭髮、食完嘢就返咗屋企一齊睇電視，我夢想中嘅生活今晚終於可以實現喇！雖然好似係好簡單嘅一樣嘢，但我真係覺得好幸福。。。我一直好想攬住鍾意嘅人一齊睇電視，我好想除咗可以用我嘅心、用我雙眼去感受佢嘅世界外，我亦希望佢都一樣可以♡
低能仔，唔知你會唔會覺得我對你考試嘅要求好似坷刻咗啲呢？其實我真係好想你可以盡你最大努力去考好個試，我想你明白讀書雖然唔係求分數，但響呢個社會裡，你無一定嘅分數，even你幾有才華都好，你都冇可能做出啲咩成績，所以我先咁緊張你嘅成績。。。因為就算將來你身邊嗰個唔係我都好，我都一樣希望你好，將來條路會行得舒服啲(^3^)應承我，你一定要加油呀！
分類: 我們的生活點滴 |
