今晚個頭好痛好痛。。。痛到好想嘔！今日依然唔願起身。。。鬧鐘響完我繼續喱響張被裡面唔肯出嚟，直到低能仔打俾我先識起身。。。換完衫，化完妝就落去揾佢，今日有人買定早餐等我(*¯︶¯*)
今日忙到5點先食飯，攰死喇。。。但幸好食完飯可以聽到低能仔把聲，即時醒神晒！都話你係我隻鬆弛熊嚟咖啦，哈哈。。。每次只要有佢，我都會特別 relax！冇咗你我諗我一定會癲~T_T~
今晚有人依然嚟咗接我，我知道其實佢唔夠飽，所以我哋行咗一陣就返咗嚟食嘢！如果佢唔食飽啲，咁就冇抵抗力令啲傷風快啲好。。。只係靠感冒茶同維多C，其實真係冇乜效！
今個聖誕節要返工~(*+﹏+*)~好想好想可以同佢過，可惜。。。原本31号晚要睇演唱會，但1314呢個日子我更加想同佢一齊過，所以有人推咗同女神嘅約會，目的就係想同有啲人由13年一齊倒數到14年，加上我同佢係2013520“愛你一生，我愛你”呢日開始，所以我更希望可以同佢一齊渡過2013-2014“愛你一生，愛你一世”呢一日！
分類: 我們的生活點滴 |
