話咁快又嚟到月尾喇！仲有幾日就到聖誕節。。。亦即係開始我嘅忙碌嘅生活，只要捱埋呢段日子，我就可以輕鬆一吓，再迎接另一個忙碌嘅日子∼農曆新年~(*+﹏+*)~
今日整完nail，就出咗去同家姐食飯，跟住就返去揾低能仔(^3^)今晚有人捱住肚餓又攰咁等我返，陰公豬！！食完嘢我哋一齊返咗屋企，原本有人話返我嗰邊樓梯口架，但我又邊捨得要佢捱凍，佢仲未傷風好囉！所以我哋就返咗屋企幫佢按摩，真幸福“我講你呀低能仔，wakaka...！”其實可以幫佢按摩我都好幸福嘅，因為睇住佢又好攰再變成 relax bear，係我最滿足嘅時候！
響佢到走嘅時候，當我響樓梯行到一半時，有個男人企咗響到柯尿~T_T~嚇死我呀！點知之後原來仲有個阿差跟住我，仲要不停望住我笑，但其實我見唔到，幸好俾爸爸個食蕉朋友見到，即時嗌停我！跟住個阿差先行咗去。。。。好驚！佢話果隻阿差望住笑咗我好耐，覺得佢有問題，加上我平時返屋企搭嗰架電梯，咁啱個 cctv壞咗，怕我有咩事都冇人知，所以送埋我返屋企。。。聽完爸爸個食蕉朋友講嘅嘢，其實我個身不停震，我諗返起嗰陣時嘅某啲事。。。我即刻whatsapp 低能仔，我只道只要有佢，我就唔會怕。。。因為只有佢先可以俾到信心我，只要佢同我講兩句，我就會安心，我覺得佢真係可以保護到我！低能仔，我嗰一刻真係好驚，多謝你令我安心，多謝你不論發生任何事，每一次你都可以令我感覺到開心番，放鬆番！感激遇上你。。。我愛你！！
分類: 我們的生活點滴 |
